തൃശൂര്‍: തദ്ദേശ തിരഞ്ഞെടുപ്പില്‍ ഇടതുമുന്നണിക്ക് പ്രചാരണം നയിക്കാന്‍ ആളില്ലെന്ന് ബിജെപി സംസ്‌ഥാന പ്രസിഡണ്ട് കെ സുരേന്ദ്രന്‍. തൃശൂര്‍ പ്രസ് ക്ളബിന്റെ ‘തദ്ദേശപ്പോര്’ മുഖാമുഖം പരിപാടിയിലാണ് സുരേന്ദ്രന്റെ പ്രസ്‌താവന. ജനങ്ങളെ അഭിമുഖീകരിക്കാന്‍ മുഖ്യമന്ത്രിക്ക് ഭയമാണെന്നും കോവിഡ് ജാഗ്രത മൂലമാണ് മുഖ്യമന്ത്രി പ്രചാരണത്തിന് ഇറങ്ങാത്തതെന്ന വാദം വിശ്വാസ യോഗ്യമല്ലെന്നും സുരേന്ദ്രന്‍ പറഞ്ഞു.
സ്വര്‍ണ്ണക്കടത്ത് കേസില്‍ സ്വപ്‌നയുടെ മൊഴി പുറത്തുവന്നാല്‍ മുഖ്യമന്ത്രിയുടെ പേരുണ്ടാകും. കേസിന്റെ അവസാനത്തില്‍ മുഖ്യ പ്രതിയായി പിണറായി വിജയന്‍ മാറും. സുരേന്ദ്രന്‍ കൂട്ടിച്ചേര്‍ത്തു. ജനങ്ങളുടെ അവസാന പ്രതീക്ഷ എന്‍ഡിഎയിലാണ്. ഇരു മുന്നണികളെക്കാള്‍ അധികം സീറ്റ് എന്‍ഡിഎ നേടും. ജമാഅത്തെ ഇസ്‌ലാമിയുമായുള്ള സഖ്യത്തില്‍ രാഹുല്‍ ഗാന്ധി മറുപടി പറയണം. രാജ്യദ്രോഹികളുമായാണ് കോണ്‍ഗ്രസ് കൂട്ട് കൂടുന്നതെന്നും ബിജെപി സംസ്‌ഥാന അധ്യക്ഷന്‍ ആരോപിച്ചു.
Read also: ഡോളര്‍ കടത്ത്; യുഎഇ കോണ്‍സുലേറ്റ് നയതന്ത്ര പ്രതിനിധികളുടെ മൊഴി എടുക്കും
