തിരുവനന്തപുരം: സംസ്ഥാനത്തെ തിയേറ്ററുകള് ബുധനാഴ്ച മുതല് തുറന്ന് പ്രവര്ത്തിക്കും. വിജയ് ചിത്രം മാസ്റ്ററാണ് ആദ്യം തിയേറ്ററുകളിലെത്തുന്ന സിനിമ. ഫിലിം ചേംബര് ഓഫ് കൊമേഴ്സിന്റേതാണ് തീരുമാനം.‘തങ്ങളുടെ ആവശ്യങ്ങള് സര്ക്കാര് അംഗീകരിച്ചു. എല്ലാ തര്ക്കവും അവസാനിച്ചു. സര്ക്കാരിന് നന്ദിയുണ്ടെന്നും ഫിലിം ചേംബര് പ്രതിനിധികള് പറഞ്ഞു.
തിയേറ്ററുകള് അടഞ്ഞുകിടന്ന പത്തുമാസത്തെ വൈദ്യുതി ഫിക്സഡ് ചാര്ജ്ജ് 50 ശതമാനമാക്കി കുറക്കാനും തീരുമാനിച്ചു. ബാക്കി ഗഡുക്കളായി അടക്കാൻ അനുവദിക്കും. 2020 മാര്ച്ച് 31നുള്ളില് തിയേറ്ററുകള് തദ്ദേശ സ്ഥാപനങ്ങളില് ഒടുക്കേണ്ട വസ്തുനികുതി മാസ ഗഡുക്കളായി അടക്കാമെന്നും ചര്ച്ചയില് തീരുമാനമായി. പത്ത് മാസത്തിലേറെയായി തുടരുന്ന പ്രതിസന്ധിക്കാണ് ബുധനാഴ്ച അവസാനമാകുന്നത്.
Read also: പാലക്കാട് നഗരസഭയിലെ ഗാന്ധി പ്രതിമയില് ബിജെപി കൊടി; പോലീസ് കേസെടുത്തു