സ്വകാര്യ വിദ്യാലയങ്ങളെ തകർക്കുന്ന നീക്കം ഉപേക്ഷിക്കണം; പ്രൈവറ്റ് സ്‌കൂൾ മാനേജ്‌മെന്റ് അസോസിയേഷൻ

By Desk Reporter, Malabar News
The move to destroy private schools must be abandoned; Private School Management Association
പ്രൈവറ്റ് സ്‌കൂൾ മാനേജ്‌മെന്റ് അസോസിയേഷൻ കോഴിക്കോട് വിദ്യാഭ്യാസ ഉപജില്ലാ ഓഫിസിന് മുന്നിൽ സംഘടിപ്പിച്ച പ്രതിഷേധ സമര സംഗമം സംസ്‌ഥാന പ്രസിഡണ്ട് നിസാർ ഒളവണ്ണ ഉൽഘാടനം ചെയ്യുന്നു.
Ajwa Travels

കോഴിക്കോട്: സംസ്‌ഥാനത്തെ സ്വകാര്യ വിദ്യാഭ്യാസ സ്‌ഥാപനങ്ങളെ അടച്ചുപൂട്ടലിലേക്ക് നയിക്കുന്ന തീരുമാനങ്ങൾ സർക്കാർ പുനഃപരിശോധിക്കണമെന്ന് പ്രൈവറ്റ് സ്‌കൂൾ മാനേജ്‌മെന്റ് അസോസിയേഷൻ. കേരളത്തിലെ നാലായിരത്തിലധികം വരുന്ന സ്വകാര്യ വിദ്യാഭ്യാസ സ്‌ഥാപനങ്ങളെ സംരക്ഷിക്കണം എന്നാവശ്യപ്പെട്ട് പ്രൈവറ്റ് സ്‌കൂൾ മാനേജ്‌മെന്റ് അസോസിയേഷന്റെ ആഭിമുഖ്യത്തിൽ അൺ എയ്‌ഡഡ്‌ സ്‌കൂളുകൾ നടത്തുന്ന സമരത്തിന് ഇന്ന് തുടക്കമായി.

കോഴിക്കോട് വിദ്യാഭ്യാസ ഉപജില്ലാ ഓഫിസിന് മുന്നിൽ നടന്ന പ്രതിഷേധ സമര സംഗമം അസോസിയേഷൻ സംസ്‌ഥാന പ്രസിഡണ്ട് നിസാർ ഒളവണ്ണ ഉൽഘാടനം ചെയ്‌തു. സർക്കാരിൽ നിന്ന് ഒരു തരത്തിലുള്ള സഹായവും ലഭിക്കാതെ പ്രവർത്തിക്കുന്ന, ഒന്നേമുക്കാൽ ലക്ഷത്തിലധികം അഭ്യസ്‌ഥവിദ്യരായ അധ്യാപക-ഇതര ജീവനക്കാർക്ക് തൊഴിൽ നൽകുന്ന സ്വകാര്യ വിദ്യാഭ്യാസ സ്‌ഥാപനങ്ങളെ തകർക്കുന്ന നീക്കം സർവരെയും അണിനിരത്തി പ്രതിരോധിക്കുമെന്ന് നിസാർ ഒളവണ്ണ പറഞ്ഞു.

പ്രാഥമിക വിദ്യാഭ്യാസ രംഗത്ത് സംസ്‌ഥാനത്തെ മുപ്പത് ശതമാനത്തിലധികം കുട്ടികൾക്ക് സേവനം ലഭ്യമാക്കുന്ന സ്വകാര്യ വിദ്യാഭ്യാസ സ്‌ഥാപനങ്ങളെ അടച്ചുപൂട്ടലിലേക്ക് നയിക്കുന്ന തീരുമാനങ്ങൾ പുനഃപരിശോധിക്കണം. സ്‌കൂൾ വിടുതൽ സർട്ടിഫിക്കറ്റ് നൽകാൻ ഫീസ് കുടിശിക നൽകേണ്ടതില്ലെന്ന സംസ്‌ഥാന വിദ്യാഭ്യാസ വകുപ്പിന്റെ തീരുമാനം അനീതിയാണ്. സംസ്‌ഥാനത്തെ വിദ്യാഭ്യാസ മേഖലയിൽ ഏറിയ പങ്കും വഹിക്കുന്ന അൺ എയ്‌ഡഡ്‌ മേഖലയെ തഴഞ്ഞ് ഈ രംഗത്ത് നിയമനിർമാണം നടത്താനുള്ള നീക്കം അംഗീകരിക്കാൻ കഴിയില്ലെന്നും പ്രതിഷേധ സംഗമം വ്യക്‌തമാക്കി.

ട്രഷറർ ശശിധരൻ മേനക്കണ്ടി അധ്യക്ഷത വഹിച്ച പ്രതിഷേധ സംഗമത്തിൽ ജനറൽ സെക്രട്ടറി പികെ മുരളീധരമേനോൻ, സുബൈദ ടീച്ചർ, എംകെ അബ്‌ദുൽ മജീദ്, പ്രിയ ഗോപികൃഷ്‌ണൻ, ബുഷ്‌റ അഷ്‌റഫ്‌, ഫൈസൽ പിലാച്ചേരി എന്നിവർ പ്രസംഗിച്ചു.

Malabar News:  ദീർഘകാല കാത്തിരിപ്പിന് വിരാമം; തടിയൻവളപ്പ് പാലം പണി അവസാന ഘട്ടത്തിൽ

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE