കൊച്ചി: കോർപ്പറേഷനിലെ മേയർ സ്ഥാനാർഥിയായി പരിഗണിച്ചിരുന്ന മുതിർന്ന കോൺഗ്രസ് നേതാവ് എൻ വേണുഗോപാൽ പരാജയപ്പെട്ടു. തദ്ദേശ തിരഞ്ഞെടുപ്പ് ഫലങ്ങൾ ഇതുവരെ പുറത്തു വന്നതിൽ ഏറ്റവും വലിയ അട്ടിമറിയാണ് നടന്നത്. ഐ ഗ്രൂപ്പിന്റെ സ്ഥാനാർഥിയായി എൻ വേണുഗോപാൽ എത്തിയതോടെ മേയർ സ്ഥാനത്തെ ചൊല്ലി വലിയ ചർച്ചകൾ നടന്നിരുന്നു.
കൊച്ചിയിലെ നോർത്ത് ഐലൻഡ് വാർഡിലാണ് വേണുഗോപാൽ മൽസരിച്ചത്. ബിജെപി സ്ഥാനാർഥിയാണ് ഇവിടെ ഒരു വോട്ടിന് വിജയിച്ചത്. യുഡിഎഫിന്റെ സിറ്റിംഗ് സീറ്റായിരുന്നു നോർത്ത് ഐലൻഡ്. ഇത്തവണ ഇവിടെ പോളിംഗ് കുറവായിരുന്നു. ഫലത്തിൽ പരാതിയുണ്ടെന്ന് എൻ വേണുഗോപാൽ പറഞ്ഞു.