കാസർഗോഡ്: റോഡരികിൽ നിന്ന് കളഞ്ഞുകിട്ടിയ കാൽലക്ഷം രൂപ ഉടമസ്‌ഥനെ ഏൽപ്പിച്ച് യുവാക്കൾ മാതൃകയായി. ചൊവ്വാഴ്‌ച രാവിലെ കാസർഗോഡ് എംജി റോഡിൽ നിന്നാണ് തെക്കിൽ യൂണിറ്റ് യൂത്ത് കോൺഗ്രസ് പ്രസിഡണ്ട് ഉക്രംപാടിയിലെ കരുണാകരനും വൈസ് പ്രസിഡണ്ട് ധനീഷ് മൂലക്കും പണപ്പൊതി കിട്ടിയത്.
പിന്നോക്കവിഭാഗ വികസന കോർപ്പറേഷനിൽ നിന്ന് എടുത്തിരുന്ന വായ്‌പാതുക അടയ്‌ക്കാൻ പോകുകയായിരുന്നു ഇവർ. പണം കളഞ്ഞുകിട്ടിയ വിവരം സമീപത്തെ കടകളിലും കോർപ്പറേഷൻ ഓഫിസിലും അറിയിച്ച് തുക കാസർഗോഡ് ടൗൺ പോലീസ് സ്‌റ്റേഷനിൽ ഏൽപ്പിച്ചു.
എൻജിനീയറിങ് വിദ്യാർഥിയായ താളിപ്പടുപ്പിലെ വിപിൻകുമാറിന്റെ പണമാണ് നഷ്‌ടപ്പെട്ടത്. ഇതേ കോർപ്പറേഷൻ ഓഫിസിൽ അടയ്‌ക്കാൻ കൊണ്ടുപോകുമ്പോൾ കളഞ്ഞു പോയതായിരുന്നു പണം. തിരച്ചിലിനൊടുവിൽ വിവരമറിഞ്ഞ് വിപിൻ ടൗൺ സ്‌റ്റേഷനിലെത്തി. ശേഷം പണം ഏൽപ്പിച്ച കരുണാകരനെ വിളിച്ചുവരുത്തി പോലീസ് തുക വിപിന് കൈമാറി.
Most Read: വെള്ളത്തിൽ വീണ പൂച്ചയെ രക്ഷിച്ച് നായക്കുട്ടി; വീഡിയോ ഹൃദയം കീഴടക്കുന്നു
