തോമസ് കപ്പ് ബാഡ്‌മിന്റൺ; ഇന്ത്യ ഇന്ന് ഫൈനൽ പോരാട്ടത്തിന് ഇറങ്ങും

By Staff Reporter, Malabar News
india-mens-team-thomas
Ajwa Travels

തായ്‌ലാൻഡ്: തോമസ് കപ്പ് ബാഡ്‌മിന്റണിൽ ഇന്ത്യയ്‌ക്ക് ഇന്ന് ചരിത്ര ഫൈനൽ. ഉച്ചയ്‌ക്ക് നടക്കുന്ന സ്വർണപ്പോരാട്ടത്തിൽ 14 വട്ടം ചാമ്പ്യൻമാരായ ഇന്തോനേഷ്യയാണ് ഇന്ത്യയുടെ എതിരാളി. ഇഞ്ചോടിഞ്ച് സെമി ഫൈനലിൽ മുൻ ചാമ്പ്യൻമാരായ ഡെൻമാർക്കിനെ 3-2ന് തോൽപിച്ചാണ് ഇന്ത്യ തോമസ് കപ്പ് ഫൈനലിൽ കടന്നത്. അവസാന സിംഗിൾസിൽ വിജയം നേടിയ മലയാളി താരം എച്ച്എസ് പ്രണോയിയായിരുന്നു ഇന്ത്യയുടെ ഹീറോ.

5 തവണ ചാമ്പ്യൻമാരായ മലേഷ്യയെ ഇന്ത്യ വീഴ്‌ത്തിയപ്പോഴും പ്രണോയ് തന്നെയായിരുന്നു ഹീറോ. തിരുവനന്തപുരം സ്വദേശിയായ പ്രണോയ് നിലവിൽ ബാഡ്‌മിന്റണിൽ രാജ്യത്തെ രണ്ടാം നമ്പർ താരമാണ്. അതേസമയം, ജപ്പാനെ തോൽപ്പിച്ചാണ് ഇന്തോനേഷ്യ ഫൈനലിൽ പ്രവേശിച്ചത്. അന്തോണി സിനിസുക ജീൻഡിംഗ് ഉൾപ്പെടെയുള്ള സൂപ്പർ താരങ്ങളാണ് ഇന്തോനേഷ്യയുടെ കരുത്ത്.

ലക്ഷ്യാ സെൻ, കെ ശ്രീകാന്ത്, എച്ച്എസ് പ്രണോയ് എന്നിവർ സിംഗിൾസിലും, ഡബിൾസിൽ സാത്വികാ റാൻകി റെഡ്ഡി-ചിരാഗ് ഷെട്ടി, കൃഷ്‌ണപ്രസാദ് ഗരാഗ-വിഷ്‌ണു വർധൻ പഞ്ചാല ജോഡികളുമാണ് കന്നി ഫൈനലിനിറങ്ങുന്ന ഇന്ത്യൻ ടീമിനെ പ്രതിനിധീകരിക്കുക.

Read Also: കനത്ത മഴ; സംസ്‌ഥാനത്ത് 6 ജില്ലകളിൽ ഇന്ന് ഓറഞ്ച് അലർട്

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE