‘കൊല്ലുമെന്നും ബലാൽസംഗം ചെയ്യുമെന്നും ഭീഷണി’; ഡോക്‌ടർക്ക് നേരെ വീണ്ടും അതിക്രമം
പരിക്കേറ്റ നിലയിൽ വഴിയിൽ കണ്ടതിനെ തുടർന്ന് ഏറ്റുമാനൂർ പോലീസ് കോട്ടയം മെഡിക്കൽ കോളേജ് ആശുപത്രിയിൽ എത്തിച്ച രോഗിയാണ് അക്രമാസക്‌തനായത്. ബിനു എന്നയാളാണ് വനിതാ ഡോക്‌ടർമാർക്ക് നേരെ അസഭ്യം പറയുകയും ഭീഷണി മുഴക്കുകയും ചെയ്‌തത്‌.
കോട്ടയം: സംസ്‌ഥാനത്ത്‌ ഡോക്‌ടർമാർക്ക് നേരെയുള്ള രോഗികളുടെ അതിക്രമങ്ങൾ തുടർക്കഥയാവുന്നു. കോട്ടയം മെഡിക്കൽ കോളേജ് ആശുപത്രിയിൽ പോലീസ് കസ്‌റ്റഡിയിൽ കൊണ്ടുവന്ന പ്രതി വനിതാ ഡോക്‌ടറെ ആക്രമിക്കാൻ ശ്രമിച്ചതായാണ് പരാതി. അത്യാഹിത വിഭാഗത്തിൽ കഴിഞ്ഞ ദിവസം പുലർച്ചെയാണ് സംഭവം.
പരിക്കേറ്റ നിലയിൽ വഴിയിൽ കണ്ടതിനെ തുടർന്ന് ഏറ്റുമാനൂർ പോലീസ് കോട്ടയം മെഡിക്കൽ കോളേജ് ആശുപത്രിയിൽ എത്തിച്ച രോഗിയാണ് അക്രമാസക്‌തനായത്. ബിനു എന്നയാളാണ് വനിതാ ഡോക്‌ടർമാർക്ക് നേരെ അസഭ്യം പറയുകയും ഭീഷണി മുഴക്കുകയും ചെയ്‌തത്‌. അലഞ്ഞുതിരിഞ്ഞു നടക്കുന്ന ബിനുവിന്റെ ശരീരത്തിൽ പരിക്കുകൾ കണ്ടതിനെ തുടർന്നാണ് പ്രാഥമിക ചികിൽസയ്‌ക്കായി ഏറ്റുമാനൂർ പോലീസ് ഇയാളെ മെഡിക്കൽ കോളേജിൽ പ്രവേശിപ്പിച്ചത്.
അക്രമാസക്‌തനായ ഇയാൾ, ഡ്യൂട്ടി റൂമിൽ ഉണ്ടായിരുന്ന ഡോക്‌ടറെ ആക്രമിക്കാൻ ശ്രമിക്കുകയായിരുന്നു. തുടർന്ന് ജീവനക്കാർ ചേർന്ന് ഇയാളെ കെട്ടിയിട്ടു. കേസെടുത്ത ഗാന്ധിനഗർ പോലീസ് വനിതാ ഡോക്‌ടറുടെ മൊഴി രേഖപ്പെടുത്തി. ഡോക്‌ടറെ കൊല്ലുമെന്നും ബലാൽസംഗം ചെയ്യുമെന്നും ഇയാൾ ഭീഷണി മുഴക്കിയതായി ഡോക്‌ടറുടെ പരാതിയിൽ പറയുന്നു. എന്നാൽ, പരാതി നൽകിയിട്ടും നടപടി വൈകിയെന്നും ഡോക്‌ടർ ആരോപിക്കുന്നു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
