പാലക്കാട്: കാട്ടുപന്നി ആക്രമണത്തിൽ പാലക്കാട് മൂന്ന് കുട്ടികൾക്ക് പരിക്ക്. വീട്ടുമുറ്റത്ത് കളിച്ചു കൊണ്ടിരിക്കുകയായിരുന്ന കുട്ടികളെയാണ് കാട്ടുപന്നി ആക്രമിച്ചത്. മംഗലം ഡാം വീട്ടിക്കൽ കടവിൽ മുലരളീധരന്റെ ചെറുമകൾ അമേയ, സമീപവാസിയായ അയാൻ, അനന്തകൃഷ്ണൻ എന്നിവർക്കാണ് പരിക്കേറ്റത്. കൈക്കും കാലിനും പരിക്കേറ്റ കുട്ടികളെ സമീപത്തെ ആശുപത്രിയിൽ പ്രവേശിപ്പിച്ചു.
വീട്ടുമുറ്റത്ത് കളിക്കുന്നതിനിടെ റോഡിന്റെ എതിർവശത്ത് നിന്നും പാഞ്ഞു വന്ന പന്നി ഗേറ്റ് ഇടിച്ചു തകർത്ത് കുട്ടികളെ ആക്രമിക്കുകയായിരുന്നു. കഴിഞ്ഞ ദിവസം പാലക്കാട് മണ്ണാർക്കാട് വിറകു ശേഖരിക്കാൻ പോയ സ്ത്രീകൾക്ക് കാട്ടുപന്നിയുടെ ആക്രമണത്തിൽ പരിക്കേറ്റിരുന്നു. ഒരു സ്ത്രീയുടെ കൈവിരൽ കാട്ടുപന്നി കടിച്ചുമുറിച്ചു. കൈക്ക് സാരമായി പരിക്കേറ്റ ഇവർ ആശുപത്രിയിൽ ചികിൽസ തേടി.
Most Read| ഷൗക്കത്തിനെതിരെ നടപടി ഉണ്ടായാൽ ഇടതുപക്ഷം സംരക്ഷിക്കും; എകെ ബാലൻ