കാസര്‍ഗോഡ് : ജില്ലയില്‍ കോവിഡ് ബാധിതരായ ആകെ ആളുകളുടെ എണ്ണം 25,000 കടന്നു. കഴിഞ്ഞ ദിവസം ജില്ലയില്‍ റിപ്പോര്‍ട്ട് ചെയ്‌ത കോവിഡ് കേസുകള്‍ കൂടി പരിഗണിക്കുമ്പോഴാണ് കോവിഡ് രോഗികളുടെ എണ്ണം ജില്ലയില്‍ കാല്‍ലക്ഷം കടന്നത്. കഴിഞ്ഞ ദിവസം ജില്ലയില്‍ 92 പേര്‍ക്ക് കൂടിയാണ് കോവിഡ് സ്‌ഥിരീകരിച്ചത്. നിലവില്‍ ജില്ലയില്‍ കോവിഡ് ബാധിതരായ ആകെ ആളുകളുടെ എണ്ണം 25,012 ആയി ഉയര്‍ന്നിട്ടുണ്ട്.
കഴിഞ്ഞ ദിവസം ജില്ലയില്‍ രോഗബാധിതരായി ചികിൽസയില്‍ കഴിഞ്ഞിരുന്ന 35 പേര്‍ കൂടി രോഗമുക്‌തി നേടിയതോടെ ജില്ലയിലെ ആകെ രോഗമുക്‌തരുടെ എണ്ണം 23,989 ആയി ഉയര്‍ന്നു. നിലവില്‍ ജില്ലയില്‍ ചികിൽസയില്‍ കഴിയുന്ന ആളുകളുടെ എണ്ണം 761 ആണ്. ഇവരില്‍ 542 പേര്‍ വീടുകളിലാണ് ചികില്‍സയില്‍ കഴിയുന്നത്.
നിലവില്‍ ജില്ലയില്‍ നിരീക്ഷണത്തില്‍ കഴിയുന്നവരുടെ എണ്ണം 5,734 ആണ്. 370 ആളുകളുടെ പരിശോധന ഫലം കൂടി ഇനിയും ജില്ലയില്‍ ലഭിക്കാനുണ്ട്. ജില്ലയില്‍ ഇതുവരെ 263 പേരാണ് കോവിഡ് ബാധിച്ച് മരിച്ചത്.
Read also : ആദ്യഘട്ട വാക്‌സിന്‍ വിതരണം; ജില്ലയില്‍ വാക്‌സിന്‍ എത്തിച്ചു
