മലപ്പുറം: ജില്ലയിലെ തിരൂരിൽ ട്രെയിൻ തട്ടി യുവാവ് മരിച്ചു. തിരൂര് പരന്നേക്കാട് സ്വദേശി അജിത് കുമാര്(24) ആണ് മരിച്ചത്. ഇന്ന് രാവിലെ 6 മണിയോടെയാണ് സംഭവം ഉണ്ടായത്. പ്രഭാത സവാരിക്ക് പോകുന്നതിനിടെ പാളം മുറിച്ചു കടക്കുമ്പോഴാണ് അപകടം ഉണ്ടായത്.
പാളം മുറിച്ചു കടക്കുമ്പോൾ അജിത് ഇയർഫോൺ ഉപയോഗിച്ചിരുന്നതായി റെയിൽവേ പോലീസ് വ്യക്തമാക്കി. ഇതാണ് അപകടം ഉണ്ടാകാൻ കാരണമായതെന്നും അധികൃതർ കൂട്ടിച്ചേർത്തു. പാളം മുറിച്ചു കടക്കുന്നതിനിടെ ഗുഡ്സ് ട്രെയിനാണ് അജിത്തിനെ തട്ടിയത്. നിലവിൽ മൃതദേഹം മലപ്പുറം ജില്ലാ ആശുപത്രിയിലേക്ക് മാറ്റിയിരിക്കുകയാണ്.
Read also: പറമ്പിക്കുളം കടുവ സങ്കേതം; സഞ്ചാരികൾക്ക് തിങ്കളാഴ്ച മുതൽ പ്രവേശനം