കൊച്ചി: സംസ്ഥാനത്ത് നാളെ അർധരാത്രി മുതൽ ട്രോളിങ് നിരോധനം നിലവിൽ വരും. കോവിഡ് വ്യാപനവും അടച്ചിടലും ഇന്ധനവില വർധനവും ഉൾപ്പടെയുള്ള പ്രതിസന്ധികൾക്ക് ഇടയിലാണ് ട്രോളിങ് നിരോധനം. ജൂൺ 9 അർധരാത്രി മുതൽ ജൂലൈ 31 അർധരാത്രി വരെ 52 ദിവസത്തേക്കാണ് ട്രോളിങ് നിരോധനം ഏർപ്പെടുത്തുക. അതേസമയം, പരമ്പരാഗത വള്ളങ്ങളിൽ മീൻപിടിക്കുന്നവർക്ക് വിലക്കില്ല.
ഡീസലിന്റെ വിലക്കയറ്റവും മീനിന്റെ ലഭ്യതക്കുറവും മൂലം ഒട്ടേറെ ബോട്ടുകൾ കടലിൽ പോകാതെയായി. ട്രോളിങ് നിരോധനം കഴിയുമ്പോഴേക്കും സർക്കാർ ഇന്ധന സബ്സിഡി നൽകിയില്ലെങ്കിൽ പിടിച്ചുനിൽക്കാൻ കഴിയില്ലെന്ന് ബോട്ടുടമകളും പറയുന്നു. പ്രതിസന്ധി മറികടക്കാൻ സർക്കാർ ആനുകൂല്യങ്ങൾ പ്രഖ്യാപിക്കുമെന്ന പ്രതീക്ഷയിലാണ് മൽസ്യബന്ധന തൊഴിലാളികൾ.
Read also: കോവിഡ് പിടിമുറുക്കുമ്പോഴും അലസത തുടർന്ന് ജനം; ജില്ലയിൽ രജിസ്റ്റർ ചെയ്തത് 1.8 ലക്ഷം കേസുകൾ