കൊച്ചി: എറണാകുളത്ത് ഇന്ന് രണ്ട് കോവിഡ് മരണം കൂടി റിപ്പോര്‍ട്ട് ചെയ്‌തു. വടുതല സ്വദേശി അന്‍വര്‍ (38), മുണ്ടംവേലി സ്വദേശി രാജന്‍ (85) എന്നിവരാണ് മരിച്ചത്. കളമശേരി മെഡിക്കല്‍ കോളജ് ആശുപത്രിയില്‍ ചികില്‍സയില്‍ കഴിയവെയാണ് ഇരുവരുടെയും മരണം.
Read Also: കോവിഡ് ബാധിച്ചു മരിച്ചവരെ അവസാനമായി കാണാന്‍ അവസരം നല്‍കും
കടുത്ത ന്യൂമോണിയയും രക്‌ത സമ്മര്‍ദവും മൂലമാണ് അന്‍വര്‍ മരണപ്പെട്ടത്. രോഗം ഗുരുതരമായതിനെ തുടര്‍ന്ന് തീവ്ര പരിചരണ വിഭാഗത്തില്‍ ചികില്‍സയില്‍ ആയിരിക്കെയാണ് രാജന്റെ മരണം. ഒക്‌ടോബര്‍ 21 നാണ് ഇദ്ദേഹത്തെ ആശുപത്രിയില്‍ പ്രവേശിപ്പിച്ചത്. ഇന്ന് രാവിലെ മരണം സ്‌ഥിരീകരിക്കുക ആയിരുന്നു.
