പാലക്കാട്: വാളയാർ ഡാമിൽ കുളിക്കുന്നതിനിടെ രണ്ടു വിദ്യാർഥികളെ കാണാതായി. കോയമ്പത്തൂർ ധനലക്ഷ്‌മി കോളേജിലെ വിദ്യാർഥികളായ നാമക്കൽ സ്വദേശി ഷൺമുഖം(19), പൊള്ളാച്ചി സ്വദേശി തിരുപ്പതി(18) എന്നിവരെയാണ് കാണാതായത്. ഇവർക്കായുള്ള തിരച്ചിൽ നടക്കുകയാണ്. വാളയാർ ഡാമിലെ തമിഴ്‌നാട് നവക്കരയിലുള്ള മാവുത്താംപടിയിൽ ഇന്ന് ഉച്ചക്ക് 12നാണ് അപകടം.
തമിഴ്‌നാട്ടിൽ നിന്നും വാളയാർ ഡാം കാണാനെത്തിയവരാണ് അപകടത്തിൽപ്പെട്ടതെന്നാണ് വിവരം. സംഘത്തിലെ മൂന്ന് പേരാണ് ഡാമിൽ കുളിക്കാനിറങ്ങിയത്. മൂവരും ഒഴുക്കിൽപ്പെട്ടെങ്കിലും ഒരാൾ രക്ഷപ്പെട്ടു. മറ്റു സുഹൃത്തുക്കളാണ് ഒരാളെ രക്ഷപ്പെടുത്തിയത്. രണ്ടുപേർ മുങ്ങിപ്പോവുകയായിരുന്നു. പോലീസും അഗ്‌നിരക്ഷാ സേനയും രക്ഷാപ്രവർത്തനത്തിന് രംഗത്തുണ്ട്.
Most Read| പ്രതിപക്ഷം വികസന വിരോധികൾ; അഴിമതിയും കുടുംബാധിപത്യവും ഇന്ത്യ വിടണമെന്ന് പ്രധാനമന്ത്രി
