തിരുവനന്തപുരം: ലഹരിമരുന്ന് വിൽപന സംഘത്തെ പിടികൂടാൻ എത്തിയ എക്സൈസ് സംഘത്തെ പ്രതികൾ വാൾ വീശി ആക്രമിച്ചു. ബലപ്രയോഗത്തിലൂടെ പ്രതികളിൽ ഒരാളെ കീഴ്പ്പെടുത്തുന്നതിനിടയിൽ ഒരു ഉദ്യോഗസ്ഥന്റെ കയ്യിൽ മുറിവേൽക്കുകയും ചെയ്തു. തുടർന്ന് രണ്ട് പ്രതികളെ എക്സൈസ് സംഘം അറസ്റ്റ് ചെയ്തു. തിരുവനന്തപുരം ജില്ലയിലെ വിഴിഞ്ഞതാണ് സംഭവം.
കഠിനംകുളം ശാന്തിപുരം ജോണ്ഹൗസില് സാജന്(19), ഇയാളുടെ സുഹൃത്തും കരുംകുളം പുല്ലുവിള പുതിയതുറ പുരയിടത്തില് ഷിജോ സാമുവേല്(22) എന്നിവരെയാണ് അറസ്റ്റ് ചെയ്തത്. ഇവരിൽ സാജനാണ് എക്സൈസ് ഉദ്യോഗസ്ഥന് നേരെ വാൾ വീശി ആക്രമണം നടത്തിയത്. കൂടാതെ ഷിജോ സാമുവലിന്റെ ബൈക്കും കസ്റ്റഡിയിൽ എടുത്തിട്ടുണ്ട്. 4 ഗ്രാം എംഡിഎംഎ ആണ് ഇവരുടെ പക്കൽ നിന്നും എക്സൈസ് സംഘം പിടിച്ചെടുത്തത്.
Read also: തൃക്കാക്കര; എഎൻ രാധാകൃഷ്ണൻ ബിജെപി സ്ഥാനാർഥി