അബുദാബി: റഷ്യ വികസിപ്പിച്ച സ്‌പുട്‌നിക്-5 കോവിഡ് വാക്സിന് രാജ്യത്ത് ഉപയോഗിക്കാന്‍ യുഎഇ ആരോഗ്യ പ്രതിരോധം മന്ത്രാലയം അനുമതി നൽകി. രാജ്യത്ത് അടിയന്തര ഉപയോഗത്തിനായി വാക്സിന് ലഭ്യമാക്കും. റഷ്യയിലെ ഗമാലേയ റിസര്‍ച് ഇന്‍സ്‌റ്റിറ്റ്യൂട്ട് ഓഫ് എപ്പിഡെമിയോളജി ആന്‍ഡ് മൈക്രോബയോളജി വികസിപ്പിച്ച വാക്‌സിനാണ് സ്‌പുട്‌നിക്-5.
വൈറസിനെതിരായ ശക്‌തമായ ആന്റിബോഡി പ്രതികരണം, ഉപയോഗത്തിലെ സുരക്ഷ, അന്താരാഷ്‌ട്ര സുരക്ഷാ മാനദണ്ഡങ്ങള്‍ പാലിക്കുന്നത് എന്നിവ പഠനത്തിലൂടെ വ്യക്‌തമായതായി എമിറേറ്റ്‌സ് ന്യൂസ് ഏജന്‍സി റിപ്പോര്‍ട് ചെയ്യുന്നു.
സ്‌പുട്‌നിക്-5ന്റെ ഫലപ്രാപ്‌തി 91.4 ശതമാനമാണെന്ന് വാക്സിന് നിര്‍മാതാക്കള്‍ അറിയിച്ചിരുന്നു. യുഎഇ അംഗീകരിക്കുന്ന മൂന്നാമത്തെ കോവിഡ് വാക്‌സിനാണ് സ്‌പുട്‌നിക്-5. നേരത്തെ ചൈനയുടെ സിനോഫാം, ഫൈസര്‍-ബയോഎന്‍ടെക് വാക്‌സിനുകളും യുഎഇ അംഗീകരിച്ചിരുന്നു.
Read Also: ദുബായ് ബോളിവുഡ് പാർക്ക് കോവിഡ് നിയന്ത്രണങ്ങളോടെ വീണ്ടും തുറന്നു
