അബുദാബി : ഇന്ത്യയിൽ നിന്നുള്ള യാത്രക്കാരുടെ നേരിട്ടുള്ള പ്രവേശന വിലക്ക് വീണ്ടും നീട്ടി യുഎഇ. ജൂൺ 30ആം തീയതി വരെയാണ് വിലക്ക് നീട്ടിയത്. അടുത്ത മാസം 14ആം തീയതി വിലക്ക് അവസാനിക്കാനിരിക്കെയാണ് യുഎഇ വീണ്ടും വിലക്ക് നീട്ടാനുള്ള തീരുമാനമെടുത്തത്.
ഇന്ത്യയിലെ കോവിഡ് സാഹചര്യം നിരീക്ഷിച്ച് വരികയാണെന്നും അതിനനുസരിച്ചായിരിക്കും സർവീസ് പുനഃരാരംഭിക്കുന്ന കാര്യം തീരുമാനിക്കുന്നതെന്നും എമിറേറ്റ്സ് എയർലൈൻസ് അറിയിച്ചു. ഇന്ത്യക്കാർക്ക് പ്രവേശനവിലക്ക് തുടരുന്നത് പോലെ 14 ദിവസം ഇന്ത്യയിൽ താമസിച്ച മറ്റ് യാത്രക്കാർക്കും യുഎഇയിലേക്ക് നേരിട്ട് പ്രവേശനം അനുവദിക്കില്ല.
ഇന്ത്യയിലെ കോവിഡ് വ്യാപനത്തിന്റെ പശ്‌ചാത്തലത്തിൽ കഴിഞ്ഞ മാസം 24ആം തീയതി മുതലാണ് ഇന്ത്യയിൽ നിന്നുള്ള യാത്രക്കാർക്ക് യുഎഇ വിലക്ക് ഏർപ്പെടുത്തിയത്. ഇന്ത്യയിൽ നിന്നുള്ള നിരവധി പ്രവാസികളെയാണ് ഇത് പ്രതിസന്ധിയിലാക്കിയത്. നിലവിൽ അർമേനിയ, ഉസ്ബക്കിസ്‌ഥാൻ തുടങ്ങി യുഎഇ വിലക്കേർപ്പെടുത്താത്ത രാജ്യങ്ങളിൽ സന്ദർശക വിസയിൽ 14 ദിവസം കഴിഞ്ഞതിന് ശേഷം അവിടെ നിന്നും യുഎഇയിൽ പ്രവേശിക്കുക മാത്രമാണ് ഏക വഴി.
Read also : കെകെ രമക്കെതിരെ നടപടിയില്ല; നിയമസഭാ സ്‌പീക്കർ
