അബുദാബി: ഇന്ത്യൻ ഗോതമ്പിന്റെ കയറ്റുമതിക്ക് വിലക്ക് ഏർപ്പെടുത്തി യുഎഇ. 4 മാസത്തേക്കാണ് യുഎഇ വിലക്ക് ഏർപ്പെടുത്തിയിരിക്കുന്നത്. ഗോതമ്പ് പൊടിക്കും ഈ വിലക്ക് ബാധകമാണ്. യുഎഇ ധനമന്ത്രാലയമാണ് ഇത് സംബന്ധിച്ച് ഉത്തരവ് പുറത്തിറക്കിയത്.
അന്ത്രാരാഷ്‌ട്രതലത്തിൽ ഗോതമ്പ് വിതരണത്തിൽ പ്രതിസന്ധി നേരിടുന്ന സാഹചര്യത്തിലാണ് യുഎഇയുടെ നടപടിയെന്നാണ് വ്യക്‌തമാകുന്നത്. കയറ്റുമതിക്കൊപ്പം റീ-എക്‌സ്‌പോർട്ടും (നേരത്തെ ഇറക്കുമതി ചെയ്‌ത ചരക്കുകൾ കയറ്റുമതി ചെയ്യൽ) നിരോധിച്ചിട്ടുണ്ട്. അതേസമയം കഴിഞ്ഞ മെയ് 14ആം തീയതി മുതൽ ഇന്ത്യ ഗോതമ്പിന്റെ കയറ്റുമതി നിരോധിച്ചിരുന്നു. പ്രാദേശിക വിലക്കയറ്റം തടയുന്നതിന്റെ ഭാഗമായാണ് ഗോതമ്പിന്റെ കയറ്റുമതി നിരോധിച്ചത്.
Read also: പ്രതിഷേധം ശക്‌തമാക്കൻ പ്രതിപക്ഷം; യുഡിഎഫ് ഏകോപന സമിതി യോഗം ഇന്ന്
