കണ്ണൂർ: ഖുര്ആന് പഠിക്കാനെത്തിയ കുട്ടിയെ പ്രകൃതിവിരുദ്ധ ലൈംഗിക പീഡനത്തിന് വിധേയനാക്കിയെന്ന പരാതിയിൽ യുവാവിനെതിരെ പോലീസ് കേസെടുത്തു. തളിപ്പറമ്പ് നഗരസഭാ പരിധിയിലെ 11 വയസുകാരന്റെ പരാതിയിലാണ് പാപ്പിനിശേരി സ്വദേശി മുനീസി(22)നെതിരെ തളിപ്പറമ്പ് പോലീസ് കേസെടുത്തത്. ഇരയായ കുട്ടി നേരിട്ടാണ് തളിപ്പറമ്പ് പോലീസിൽ പരാതി നൽകിയത്.
പാപ്പിനിശേരിയിലുള്ള ബന്ധു വീട്ടില് താമസിക്കുന്ന കുട്ടിയെ ഈ മാസം നാലിന് രാത്രി കിടപ്പുമുറിയില് വെച്ച് പീഡിപ്പിച്ചതായാണ് പരാതി. ബന്ധു വീട്ടിൽനിന്നും തിരിച്ചെത്തിയ കുട്ടിയുടെ പെരുമാറ്റത്തിലുണ്ടായ മാറ്റം ശ്രദ്ധയിൽപ്പെട്ട മാതാപിതാക്കൾ കുട്ടിയോട് സംഭവങ്ങൾ അന്വേഷിച്ചപ്പോഴാണ് പീഡനം നടന്ന വിവരം പുറത്തറിഞ്ഞത്.
ഇതോടെ മാതാപിതാക്കൾ തളിപ്പറമ്പ് പോലീസിൽ നേരിട്ടെത്തി പരാതി നൽകുകയായിരുന്നു. 164 പ്രകാരം കുട്ടിയുടെ മൊഴി രേഖപ്പെടുത്തി. തുടർന്ന് ബന്ധുവായ മുനീസിനെതിരെ പോക്സോ നിയമപ്രകാരം പോലീസ് കേസെടുത്തു.
Malabar News: ലഹരി വേട്ട; 4 പേർ പിടിയിൽ, കഞ്ചാവും മയക്കുമരുന്നും പിടിച്ചെടുത്തു