കണ്ണൂർ: വൻ നിരോധിത പുകയില ഉൽപ്പന്നങ്ങളുമായി ഉത്തർപ്രദേശ് സ്വദേശി പിടിയിൽ. വിൽപനക്കായി സൂക്ഷിച്ച ഏഴ് ഇനങ്ങളില്പ്പെട്ട രണ്ടായിരത്തോളം പാക്കറ്റ് നിരോധിത പുകയില ഉൽപ്പന്നങ്ങളുമായി രാജേഷ്കുമാറി(45)നെയാണ് പരിയാരം പോലീസ് പിടികൂടിയത്.
പുകയില ഉൽപ്പന്നങ്ങൾ ഇയാള് യുപിയില് നിന്നും കൊണ്ടുവന്ന്, വീട്ടിൽ സംഭരിച്ച് വില്പ്പന നടത്തുകയായിരുന്നു എന്നാണ് പോലീസിന് ലഭിച്ച സൂചന. പിലാത്തറ ചെറുതാഴം കമ്യൂണിറ്റി ഹെല്ത്ത് സെന്ററിന് സമീപം ഇയാൾ താമസിക്കുന്ന സ്വകാര്യ വാടക ക്വാട്ടേര്സില് നിന്നാണ് നിരോധിത പുകയില ഉൽപ്പന്നങ്ങൾ പിടികൂടിയത്. പോലീസിന് ലഭിച്ച രഹസ്യ വിവരത്തിന്റെ അടിസ്ഥാനത്തിൽ ആയിരുന്നു പരിശോധന.
ഇയാൾ അതിഥി തൊഴിലാളികള്ക്കിടയില് മാത്രമാണ് ഇവ വില്പ്പന നടത്തിയിരുന്നതെന്ന് പോലീസ് പറഞ്ഞു. പഴയങ്ങാടി പാലത്തിന് സമീപം മുറുക്കാൻ കട നടത്തിവരികയാണ് പിടിയിലായ രാജേഷ് കുമാർ.
Malabar News: ടാറിങ് ബലപ്പെടുത്തി; വടക്കഞ്ചേരിയിൽ ഇനി കുരുക്കില്ലാതെ യാത്ര