തൃശൂര് : തൃശൂര് ജില്ലയില് ക്ഷേത്ര ചടങ്ങുകള്ക്ക് ഒരാനയെ ഉപയോഗിക്കാന് ഉള്ള അനുമതി നല്കുമെന്ന് ജില്ലാ കളക്ടര് എസ് ഷാനവാസ് ഐഎഎസ് അറിയിച്ചു. ജില്ലയില് ഉത്സവങ്ങള് തുടങ്ങാനിരിക്കുന്നതിന്റെ ഭാഗമായി നാട്ടാന പരിപാലനം ജില്ലാ മോണിറ്ററിംഗ് കമ്മിറ്റി സംഘടിപ്പിച്ച യോഗത്തിലാണ് കളക്ടര് ഇക്കാര്യം വ്യക്തമാക്കിയത്.
ക്ഷേത്ര ആചാരങ്ങള് തുടങ്ങുന്ന സാഹചര്യത്തില് ആളുകളെ അനുവദിക്കുന്നത് കോവിഡ് മാനദണ്ഡങ്ങള് പാലിച്ചായിരിക്കും. അതായത് 100 സ്ക്വയര് മീറ്റര് സ്ഥലത്ത് 15 പേര് എന്ന കണക്കില് ആയിരിക്കും ആളുകളെ അനുവദിക്കുന്നത്.
ക്ഷേത്രങ്ങളിലും മറ്റ് ആരാധനാലയങ്ങളിലും ഒരാനയെ മാത്രം ഉപയോഗിച്ച് ചടങ്ങുകള് പരിമിതപ്പെടുത്തണം എന്ന് കളക്ടര് വ്യക്തമാക്കി. ജില്ലയില് ആകെ 126 ആനകളാണ് ഉള്ളത്. ഇവയില് 16 ആനകള്ക്ക് കൂടുതല് പരിശോധനകള് നടത്തി വിദഗ്ധ ചികിത്സ ആവശ്യമായി വന്നാല് അത് ഉറപ്പാക്കും. കൂടാതെ ജില്ലയിലെ എല്ലാ ആനകളുടെയും ഇന്വെന്ററി റിപ്പോര്ട്ടിന്റെ അടിസ്ഥാനത്തില് തുടര് നടപടികള് സ്വീകരിക്കാനും കളക്ടര് നിര്ദ്ദേശം നല്കിയിട്ടുണ്ട്. ഇതിന്റെ അടിസ്ഥാനത്തില് ഒരു കമ്മിറ്റി രൂപീകരിക്കാനും ചികിത്സ വേണ്ടുന്ന ആനകള്ക്ക് ചികിത്സ ഉറപ്പ് വരുത്താനും കളക്ടര് നിര്ദ്ദേശിച്ചു. മഴക്കാല രോഗങ്ങള്ക്ക് സാധ്യത ഉള്ളതിനാലാണ് ഇപ്പോള് ഇത്തരത്തില് തീരുമാനം എടുത്തിരിക്കുന്നത്.
Read also : ലഡാക്കില് സംഘര്ഷം അവസാനിച്ചിട്ടില്ല; രാജ്നാഥ് സിങ്