കണ്ണൂർ: ജില്ലയിലെ ഗർഭിണികൾക്കുള്ള വാക്‌സിനേഷൻ നാളെ മുതൽ ആരംഭിക്കും. ജില്ലാ മെഡിക്കൽ ഓഫിസർ കെ നാരായണ നായ്‌ക് ആണ് ഇക്കാര്യം അറിയിച്ചത്. എല്ലാ കേന്ദ്രങ്ങളിലും 40 ഗർഭിണികൾക്ക് വീതമാണ് വാക്‌സിൻ നൽകുക. ബാക്കിയുള്ളവർ വാക്‌സിനേഷന് അവരുടെ പ്രദേശങ്ങളിലെ ആരോഗ്യ പ്രവർത്തകരെ സമീപിക്കണം. വാക്‌സിൻ അതാത് കേന്ദ്രങ്ങളിൽ ലഭ്യമാക്കുമെന്ന് ഡിഎംഒ അറിയിച്ചു.
വാക്‌സിൻ സ്വീകരിക്കുന്നവർ cowin.gov.in എന്ന പോർട്ടലിൽ രജിസ്‌റ്റർ ചെയ്യണം. തുടർന്ന് ജൂനിയർ പബ്ളിക് ഹെൽത്ത് നഴ്‌സുമാരെയോ ആശാ പ്രവർത്തകരെയോ അറിയിക്കണം. ആരോഗ്യ പ്രവർത്തകരിൽ നിന്ന് ലഭിക്കുന്ന സമ്മതപത്രത്തിൽ ഒപ്പിട്ട് വാക്‌സിനേഷൻ കേന്ദർങ്ങളിൽ സമർപ്പിക്കണം.
ജില്ലാ ആശുപത്രി, തലശ്ശേരി ജനറൽ ആശുപത്രി, താലൂക്ക് ആശുപത്രികൾ, സാമൂഹികാരോഗ്യ കേന്ദ്രങ്ങൾ, കുടുംബാരോഗ്യ കേന്ദ്രങ്ങൾ, പ്രാഥമികാരോഗ്യ കേന്ദ്രങ്ങൾ, അർബൻ ആരോഗ്യ കേന്ദ്രങ്ങൾ എന്നിവിടങ്ങളിലാണ് വാക്‌സിനേഷൻ ലഭ്യമാകുക.
Read Also: ട്രെയിനിൽ യുവതിയെ ആക്രമിച്ച സംഭവം; 5 പ്രതികൾ, കുറ്റപത്രം സമർപ്പിച്ചു
