വാക്‌സിൻ ദൗർലഭ്യം; 700 കേന്ദ്രങ്ങൾ അടച്ചുപൂട്ടി; കേന്ദ്രമന്ത്രിക്ക് കത്തയച്ച് ഒഡീഷ

By News Desk, Malabar News

ഭുവനേശ്വർ: സംസ്‌ഥാനത്തെ കോവിഡ് പ്രതിരോധ വാക്‌സിൻ ദൗർലഭ്യം വ്യക്‌തമാക്കി കേന്ദ്ര മന്ത്രി ഹർഷവർധന് ഒഡീഷ ആരോഗ്യ മന്ത്രി പ്രതാപ് ജേനയുടെ കത്ത്. വാക്‌സിൻ ലഭ്യത കുറവിലുള്ള ആശങ്ക കത്തിൽ ആരോഗ്യ മന്ത്രി വ്യക്‌തമാക്കിയിട്ടുണ്ട്.

ദിവസേന രണ്ടര ലക്ഷം ആളുകൾക്കാണ് കോവിഡ് വാക്‌സിൻ വിതരണം ചെയ്യുന്നത്. വാക്‌സിന്റെ ലഭ്യത കുറവ് മൂലം ഒഡീഷയിലെ 700 വാക്‌സിനേഷൻ കേന്ദ്രങ്ങൾ അടക്കേണ്ട അവസ്‌ഥയിൽ എത്തി. സംസ്‌ഥാനത്തെ നെഗറ്റീവ് വാക്‌സിൻ വെസ്‌റ്റേജ്‌ 0.5 ശതമാനമാണ്. ഏപ്രിൽ 7 രാവിലെ 10 മണിയുടെ കണക്കനുസരിച്ച് 5.34 ലക്ഷം കോവിഷീൽഡ്‌ വാക്‌സിനാണ് സംസ്‌ഥാനത്തുള്ളത്. ഈ സ്‌റ്റോക്ക് ഉപയോഗിച്ച് അടുത്ത രണ്ട് ദിവസത്തേക്ക് മാത്രമാണ് വാക്‌സിൻ നൽകാനാവുക.

ഏപ്രിൽ 9ഓടെ സംസ്‌ഥാനത്ത്‌ കോവിഷീൽഡ്‌ വാക്‌സിൻ കഴിയും. സമയത്ത് രണ്ടാമത്തെ ഡോസ് വാക്‌സിൻ വിതരണം ചെയ്യാൻ സാധിക്കാതെ വരുന്നത് സാഹചര്യം രൂക്ഷമാക്കും. അഡീഷണൽ ചീഫ് സെക്രട്ടറി ഇത് സംബന്ധിച്ച് നിരവധി തവണ കേന്ദ്ര ആരോഗ്യ മന്ത്രാലയവുമായി ബന്ധപ്പെട്ടിരുന്നുവെന്നും പ്രതാപ് ജേന കത്തിൽ പറയുന്നു. രാജ്യത്ത് കോവിഡ് വാക്‌സിൻ നിർമാതാക്കളായ സെറം ഇൻസ്‌റ്റിറ്റ്യൂട്ട് ഉൽപാദനം ഉദ്ദേശിക്കുന്ന തലത്തിലേക്ക് എത്തിക്കുന്നില്ലെന്ന് ഒഡീഷ നേരത്തെ തന്നെ ആശങ്ക പ്രകടിപ്പിച്ചിരുന്നു.

Also Read: സംസ്‌ഥാനത്ത് ബാക് ടു ബേസിക്‌സ് ക്യാംപയിൻ ശക്‌തിപ്പെടുത്തി ആരോഗ്യവകുപ്പ്

Mechart

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE