പാലക്കാട്: വാളയാര്‍ ചെല്ലങ്കാവ് ആദിവാസി കോളനിയില്‍ വ്യാജമദ്യം കഴിച്ച് 5 പേര്‍ മരിച്ച സംഭവത്തില്‍ അന്വേഷണ ചുമതല ക്രൈം ബ്രാഞ്ചിനെ ഏല്‍പ്പിച്ചു. കേസന്വേഷണവുമായി ബന്ധപ്പെട്ട് സംസ്‌ഥാന പോലീസ് മേധാവി ലോക്‌നാഥ് ബെഹ്‌റ ക്രൈം ബ്രാഞ്ചിന് നിര്‍ദേശം നല്‍കി.
Read also: കൂട്ട കോപ്പിയടി; ബിടെക് പരീക്ഷ റദ്ദാക്കി
കേസിന്റെ പ്രാധാന്യം കണക്കിലെടുത്താണ് അന്വേഷണം ക്രൈം ബ്രാഞ്ചിനെ ഏല്‍പ്പിക്കാന്‍ തീരുമാനിച്ചത്. അന്വേഷണ ഉദ്യോഗസ്‌ഥനെ ഉടന്‍ തീരുമാനിക്കും. തൃശൂര്‍ ഡിഐജിയും പാലക്കാട് ജില്ലാ പോലീസ് മേധാവിയും കേസിനാവശ്യമായ സഹായങ്ങള്‍ നല്‍കണം. വിഷമദ്യം കോളനിയില്‍ എങ്ങനെ എത്തിയതെന്നത് അടക്കമുള്ള കാര്യങ്ങള്‍ ക്രൈം ബ്രാഞ്ച് അന്വേഷിക്കും.
