മലപ്പുറം: മികച്ച പരമ്പര റിപ്പോര്ട്ടര്ക്കുള്ള നാലാമത് പ്രേംനസീര് മാദ്ധ്യമ പുരസ്കാരം ‘മംഗളം’ മലപ്പുറം ജില്ലാ ലേഖകന് വിപി നിസാറിന്. സ്വര്ഗംതേടി നരകം വരിച്ചവര്, തെളിയാതെ അക്ഷരക്കാടുകള് എന്നീ രണ്ടുവാര്ത്താ പരമ്പരകളാണ് അവാര്ഡിനായി തിരഞ്ഞെടുത്തത്.
പ്രേംനസീർ സൗഹൃദ സമിതി, പണിക്കേഴ്സ് പ്രോപ്പർടീസുമായി സഹകരിച്ചാണ് അവാര്ഡ് നല്കുന്നത്. ഈ വര്ഷത്തെ സംസ്ഥാന സര്ക്കാറിന്റെ അംബേദ്കർ മാദ്ധ്യമ പുരസ്കാരവും വിപി നിസാറിന് ലഭിച്ചിരുന്നു. ഇത് ഇന്നലെയാണ് ഇദ്ദേഹം ഏറ്റുവാങ്ങിയത്. കഴിഞ്ഞ 10 വർഷമായി മംഗളത്തിലാണ് നിസാർ ജോലിചെയ്യുന്നത്.
സ്റ്റേറ്റ്സ്മാൻ ദേശീയ മാദ്ധ്യമ അവാര്ഡ്, കേരളാ നിയമസഭാ മാദ്ധ്യമ അവാര്ഡ്, കേരളാ മീഡിയാ അക്കാദമി മാദ്ധ്യമ അവാര്ഡ് ഉള്പ്പെടെ 14മാദ്ധ്യമ പുരസ്കാരങ്ങളാണ് ഇതിനോകം നിസാറിന് ലഭിച്ചിട്ടുള്ളത്. മലപ്പുറം ജില്ലയിലെ കോഡൂര്, വലിയാട്, മൈത്രി നഗര് സ്വദേശിയാണ്.
Most Read: തലശ്ശേരിയിലെ വിദ്വേഷ മുദ്രാവാക്യം വിളി; 4 ബിജെപി പ്രവർത്തകർ റിമാൻഡിൽ