പാലക്കാട്: വാളയാറില് പെണ്കുട്ടികള് കൊല്ലപ്പെട്ട സംഭവത്തില് ഇരകള്ക്കെതിരെ ഒരു സമീപനവും സര്ക്കാര് സ്വീകരിക്കില്ലെന്ന് മന്ത്രി എകെ ബാലന്. കേസില് പുനരന്വേഷണം ആവശ്യപ്പെട്ട് മന്ത്രിയുടെ വീട്ടിലേക്ക് മാര്ച്ച് നടത്തിയ മനുഷ്യാവകാശ പ്രവര്ത്തകരും പെണ്കുട്ടിയുടെ മാതാപിതാക്കളും അടങ്ങുന്ന സംഘവുമായി പാലക്കാട് ഗസ്റ്റ് ഹൗസില് വെച്ച് കൂടിക്കാഴ്ച നടത്തിയ ശേഷമായിരുന്നു എകെ ബാലന്റെ പ്രതികരണം. കേസില് പുനരന്വേഷണത്തിന് തടസമില്ലെന്നും മന്ത്രി വ്യക്തമാക്കി.
പ്രധാന പ്രതികള്ക്ക് രക്ഷപ്പെടാനുള്ള വഴിയൊരുക്കിയ സാജനെന്ന പൊലീസ് ഉദ്യോഗസ്ഥനെതിരെ നടപടി വേണമെന്ന ആവശ്യം മാതാപിതാക്കള് ചര്ച്ചയില് ആവര്ത്തിച്ചു. സമരസമിതി നേതാക്കളായ വിളയോടി വേണുഗോപാല്, സിആര് നീലകണ്ഠന് എന്നിവരും ചര്ച്ചയില് പങ്കെടുത്തു.
Read also: കെഎം ബഷീറിന്റെ മരണം; ശ്രീറാം ആവശ്യപ്പെട്ട ദൃശ്യങ്ങള് കൈവശമില്ലെന്ന് അന്വേഷണ സംഘം