തിരുവനന്തപുരം: പുതുതായി തിരഞ്ഞെടുക്കപ്പെട്ട മെമ്പർ ഫേസ്ബുക്കിലൂടെ രാജി വെച്ചു. കാട്ടാക്കട പഞ്ചായത്ത് കിള്ളി വാർഡിലെ മെമ്പർ ബിന്ദുവാണ് ഫേസ്ബുക്കിലൂടെ രാജി പ്രഖ്യാപനം നടത്തിയത്. കിള്ളിയിലെ സിപിഐഎം സ്ഥാനാർഥിയായ ബിന്ദു 10 വോട്ടിന്റെ ഭൂരിപക്ഷത്തിലാണ് ജയിച്ചത്.
രാജി വെക്കുന്നത് വ്യക്തിപരമായ കാരണങ്ങളാൽ ആണെന്നാണ് സൂചന. എന്നാൽ, ഇതുവരെ രാജിക്കത്ത് കിട്ടിയിട്ടില്ലെന്ന് കാട്ടാക്കട പഞ്ചായത്ത് സെക്രട്ടറി അറിയിച്ചു. യുഡിഎഫ് കോട്ടയായ കിള്ളി വാർഡ് ശക്തമായ രാഷ്ട്രീയ പോരാട്ടങ്ങൾക്ക് ഒടുവിലാണ് സിപിഐഎം പിടിച്ചെടുത്തത്. ബിന്ദുവിന്റെ പെട്ടെന്നുള്ള രാജി പ്രഖ്യാപനം പാർട്ടിയെ കുഴക്കിയിട്ടുണ്ട്. എങ്കിലും ബിന്ദുവിന്റെ രാജി പഞ്ചായത്തിലെ ഇടത് ഭരണത്തെ ബാധിക്കില്ലെന്നാണ് വിവരം.
Also Read: ഹരിപ്പാട് സുരക്ഷിതമല്ല; നിയോജക മണ്ഡല മാറ്റത്തിനൊരുങ്ങി ചെന്നിത്തല