കണ്ണൂര്: ഒറ്റമുറി കെട്ടിടത്തില് ഒളിപ്പിച്ചുവെച്ച നിലയില് ആയുധങ്ങള് കണ്ടെടുത്തു. പിണറായിയില് ഉമ്മന്ചിറ കുഞ്ഞിപ്പള്ളിക്കു സമീപം സ്വകാര്യ വ്യക്തിയുടെ പറമ്പിലെ തേങ്ങാക്കൂടയില് നിന്നാണ് ഇന്നലെ അർധരാത്രിയോടെ ആയുധങ്ങള് കണ്ടെത്തിയത്.
പോലീസിന് ലഭിച്ച രഹസ്യ വിവരത്തിന്റെ അടിസ്ഥാനത്തിൽ നടത്തിയ പരിശോധനയിലാണ് ആയുധങ്ങൾ കണ്ടെത്തിയത്. ആയുധങ്ങൾ പ്ളാസ്റ്റിക് ചാക്കില് സൂക്ഷിച്ച നിലയിലായിരുന്നു. എട്ട് വാളുകളും, ഒരു കഠാരയും, ഒരു മഴുവുമാണ് കണ്ടെത്തിയത്.
ആയുധങ്ങള് എങ്ങനെ ഇവിടെ വന്നുവെന്നതിനെക്കുറിച്ച് അന്വേഷിച്ചു വരികയാണെന്ന് പോലീസ് അറിയിച്ചു.
Read Also: ഇടതുമുന്നണിയിൽ രണ്ട് മന്ത്രിസ്ഥാനം ആവശ്യപ്പെടാൻ കേരള കോൺഗ്രസ് എം