ന്യൂഡെല്‍ഹി: കാബൂളില്‍ നിന്ന് വാണിജ്യ വിമാന സര്‍വീസ് ആരംഭിക്കുമ്പോള്‍ ഹിന്ദുക്കളെയും സിഖുകാരെയും തിരിച്ചെത്തിക്കുന്നതിൽ മുന്‍ഗണന നല്‍കുമെന്ന് ഇന്ത്യ അറിയിച്ചതായി റിപ്പോര്‍ട്. അഫ്ഗാനിലെ ഇന്ത്യൻ പൗരൻമാരുടെ സുരക്ഷ ഉറപ്പുവരുത്താൻ നടപടി സ്വീകരിക്കുമെന്ന് വിദേശകാര്യ വക്‌താവ് അരിന്ദം ബാഗ്‌ചി മാദ്ധ്യമങ്ങളോട് പറഞ്ഞു.
“അഫ്ഗാനിലെ സിഖ്, ഹിന്ദു സമുദായങ്ങളുടെ പ്രതിനിധികളുമായി ഞങ്ങള്‍ നിരന്തരം ബന്ധപ്പെടുന്നുണ്ട്. അഫ്ഗാനിസ്‌ഥാന്‍ വിടാന്‍ ആഗ്രഹിക്കുന്നവരെ ഇന്ത്യയിലേക്ക് തിരിച്ചയക്കാന്‍ ഞങ്ങള്‍ സൗകര്യമൊരുക്കും”- അരിന്ദം ബാഗ്‌ചി പറഞ്ഞു.
ഇന്ത്യയുടെ വിവിധ പദ്ധതികളിലും പരസ്‌പരമുള്ള വികസന, വിദ്യാഭ്യാസ നേട്ടങ്ങളിലും പങ്കാളികളായ അഫ്ഗാനികളുണ്ട്. ഞങ്ങൾ അവർക്കൊപ്പം നിൽക്കും. കാബൂൾ വിമാനത്താവളത്തിൽ നിന്നുള്ള കമേഴ്സ്യൽ വിമാനങ്ങളുടെ പ്രവർത്തനം താൽക്കാലികമായി നിർത്തിയിരിക്കുകയാണ്. വിമാനത്താവള പ്രവർത്തനം പൂർവസ്‌ഥിതിയിലായാൽ തിരികെയെത്തിക്കൽ തുടരുമെന്നും ബാഗ്‌ചി വ്യക്‌തമാക്കി.
അതേസമയം, അഫ്ഗാൻ അഭയാർഥികളെ സ്വീകരിക്കാൻ ലോകരാജ്യങ്ങൾ തയാറാകണമെന്ന് ഐക്യരാഷ്‌ട്ര സഭാ സെക്രട്ടറി ജനറൽ അന്റോണിയോ ഗുട്ടെറസ് അഭ്യർഥിച്ചിരുന്നു. അഫ്ഗാനിൽ നിന്നും പലായനം ചെയ്യുന്നവർക്ക് താൽക്കാലിക അഭയമൊരുക്കാൻ തയ്യാറാണെന്ന് യൂറോപ്യൻ രാജ്യങ്ങളായ അൽബേനിയയും കൊസോവോ‍യും പ്രഖ്യാപിച്ചിരുന്നു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
