മുംബൈ: വ്യാപാര ആഴ്‌ചയുടെ തുടക്കം തന്നെ തിരിച്ചടിയോടെ ആരംഭിച്ച് വിപണി. വർധിച്ചുവരുന്ന ഒമൈക്രോൺ കേസുകൾക്കിടയിൽ ആഗോള വീണ്ടെടുക്കലിന് ഭീഷണിയായി ബെഞ്ച്മാർക്ക് സൂചികകൾ തകർന്നതോടെയാണ് ഇടിവ് ഉണ്ടായത്.
വ്യാപാരം ആരംഭിച്ച് 10 മിനിറ്റിനുള്ളിൽ നിക്ഷേപകർക്ക് വിപണി സമ്പത്തിൽ നിന്ന് 10 ലക്ഷം കോടി രൂപ നഷ്‌ടമായി. പ്രതീക്ഷിച്ചതിലും കനത്ത തിരിച്ചടി നേരിട്ടതോടെ വിപണിയിൽ വലിയ ആശങ്കയാണ് നിലനിൽക്കുന്നത്.
ബിഎസ്ഇ ലിസ്‌റ്റഡ് സ്‌ഥാപനങ്ങളുടെ ആകെ വിപണി മൂലധനം 10.47 ലക്ഷം കോടി രൂപയോളം കുറഞ്ഞ് 253.56 ലക്ഷം കോടി രൂപയായി. കഴിഞ്ഞ സെഷനിൽ വിപണി മൂലധനം 264.03 ലക്ഷം കോടി രൂപയായിരുന്നു.
ഇവിടെ നിന്നാണ് വലിയ തകർച്ച ഉണ്ടായിരിക്കുന്നത്. സെൻസെക്‌സ് 1098 പോയിന്റ് താഴ്ന്ന് 55,912ലും, നിഫ്റ്റി 324 പോയിന്റ് താഴ്ന്ന് 16,661ലും എത്തിയിരുന്നു. സെൻസെക്‌സിലെ ഒട്ടുമിക്ക എല്ലാ ഓഹരികളും നിലവിൽ നഷ്‌ടത്തിലാണ് വ്യാപാരം നടത്തുന്നത്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
