അർജുൻ അശോകൻ, സംയുക്ത മേനോൻ എന്നിവരെ കേന്ദ്ര കഥാപാത്രങ്ങളാക്കി ഷാജി അസീസ് സംവിധാനം ചെയ്യുന്ന ‘വൂൾഫ്‘ ഒടിടി റിലീസായി എത്തും. വൈകാതെ ചിത്രത്തിന്റെ റിലീസ് തീയതി പുറത്തുവിടും. ത്രില്ലർ ഗണത്തിൽപ്പെടുന്ന ചിത്രത്തിൽ ജാഫർ ഇടുക്കിയും ഷൈൻ ടോം ചാക്കോയുമാണ് മറ്റു രണ്ടു പ്രധാന കഥാപാത്രങ്ങളെ അവതരിപ്പിക്കുന്നത്.
ദാമർ സിനിമയുടെ ബാനറിൽ സന്തോഷ് ദാമോദറാണ് വൂൾഫ് നിർമിക്കുന്നത്. ജിആർ ഇന്ദുഗോപന്റെ ‘ചെന്നായ’ എന്ന ചെറുകഥയെ ആസ്പദമാക്കി ഒരുക്കുന്ന ചിത്രത്തിന്റെ തിരക്കഥയും സംഭാഷണവും ഇന്ദുഗോപൻ തന്നെയാണ് നിർവഹിക്കുന്നത്. എഡിറ്റിംഗ് നൗഫൽ അബ്ദുള്ള. ജോസഫ് എന്ന ചിത്രത്തിലൂടെ ശ്രദ്ധേയനായ രഞ്ജിൻ രാജാണ് സംഗീത സംവിധാനം നിർവഹിക്കുന്നത്.
Read Also: സ്പുട്നിക് വാക്സിന് ഡിസിജിഐയുടെ അംഗീകാരം