മുംബൈ: മഹാരാഷ്ട്രയിൽ ട്രെയിനിന്റെ ശുചിമുറിയിൽ യുവതി തൂങ്ങിമരിച്ച നിലയിൽ. പാൽഘർ ജില്ലയിലെ ദഹാനു റോഡ് റെയിൽവേ സ്റ്റേഷനിൽ ബാന്ദ്രയിൽ നിന്ന് ജമ്മു താവിയിലേക്ക് പോവുകയായിരുന്ന ട്രെയിനിലാണ് 20കാരിയെ മരിച്ച നിലയിൽ കണ്ടെത്തിയത്.
യാത്രക്കിടെ ശുചിമുറിയിലേക്ക് പോയ യുവതി ഏറെ നേരമായിട്ടും തിരികെവരാത്തതിനെ തുടർന്ന് യാത്രക്കാർ വിവരം അധികൃതരെ അറിയിച്ചു. തുടർന്ന് ടിക്കറ്റ് എക്സാമിനറും യാത്രക്കാരും ചേർന്ന് ശുചിമുറി തുറക്കാൻ ശ്രമിച്ചെങ്കിലും അകത്തുനിന്ന് പൂട്ടിയതിനാൽ സാധിച്ചില്ല. ഇതേ തുടർന്ന് ഉച്ചക്ക് 1.10ന് ട്രെയിൻ ദഹാനു റോഡ് റെയിൽവേ സ്റ്റേഷനിൽ വച്ച് അധികൃതരെത്തി ശുചിമുറിയുടെ വാതിൽ തകർത്താണ് അകത്ത് കയറിയത്. ആത്മഹത്യ ആണെന്നാണ് പ്രാഥമിക നിഗമനം.
Read also: ഗ്യാന്വ്യാപി മുസ്ലിം പള്ളിക്കരികെ ഹിന്ദു മതചിഹ്നം കണ്ടെത്തി