തിരുവനന്തപുരം: സംസ്ഥാനത്തെ തദ്ദേശ സ്വയംഭരണ സ്ഥാപനങ്ങളിലെ അധ്യക്ഷ സ്ഥാനത്തേക്കുള്ള സംവരണ നറുക്കെടുപ്പ് പൂര്ത്തിയായി. കോഴിക്കോട്, കൊല്ലം, തിരുവനന്തപുരം കോര്പറേഷനുകളില് അടുത്ത തവണ വനിതാ മേയര്മാരായിരിക്കും. തൃശൂരും കണ്ണൂരും കൊച്ചിയിലും മേയര് പദവി ജനറലാണ്.
ആലപ്പുഴ, കോട്ടയം, പാലക്കാട്, മലപ്പുറം, കോഴിക്കോട്, കണ്ണൂര്, കാസര്കോഡ് ജില്ലാ പഞ്ചായത്തുകളില് വനിതകളാണ് അധ്യക്ഷ പദവിയിലെത്തുക. തിരുവനന്തപുരം ജില്ലാ പഞ്ചായത്ത് പ്രസിഡണ്ട് പദം പട്ടികജാതി സംവരണമാണ്. സംസ്ഥാനത്തെ 87 മുനിസിപ്പല് കൗണ്സിലുകളില് 44 എണ്ണം വനിതാ സംവരണമാകും. ആറെണ്ണം പട്ടികജാതി വിഭാഗത്തിനും (അതില് മൂന്നെണ്ണം സ്ത്രീകള്ക്ക്), ഒരെണ്ണം പട്ടികവര്ഗത്തിനും സംവരണം ചെയ്ത് ഉത്തരവിറക്കി.
941 ഗ്രാമപഞ്ചായത്തുകളില് 417 എണ്ണം സ്ത്രീകള്ക്കും 46 എണ്ണം പട്ടികജാതി സ്ത്രീകള്ക്കും 46 എണ്ണം പട്ടികജാതി വിഭാഗത്തിനും 8 എണ്ണം പട്ടികവര്ഗ സ്ത്രീകള്ക്കും 8 എണ്ണം പട്ടികവര്ഗ വിഭാഗത്തിനുമായി സംവരണം ചെയ്തിരിക്കുന്നു.
Also Read: വിവാഹത്തിന് വേണ്ടിയുള്ള മത പരിവര്ത്തനം നിയമം മൂലം തടയാന് ഒരുങ്ങി കര്ണാടകയും
152 ബ്ളോക്ക് പഞ്ചായത്തുകളിലെ അധ്യക്ഷ പദവി സംവരണം ചെയ്തിരിക്കുന്നതിങ്ങനെ- 67എണ്ണം സ്ത്രീകള്ക്കും 8 എണ്ണം പട്ടികജാതി സ്ത്രീകള്ക്കും 7 എണ്ണം പട്ടികജാതി വിഭാഗത്തിനും 2 എണ്ണം പട്ടികവര്ഗ സ്ത്രീകള്ക്കും ഒരെണ്ണം പട്ടികവര്ഗ വിഭാഗത്തിനും.