വീടിന് സമീപം നിന്ന യുവാവിന് മർദ്ദനം; എസ്ഐക്ക് സസ്‌പെൻഷൻ

By Desk Reporter, Malabar News
Police-Attack-Youth-in-Kazhakkuttam
Ajwa Travels

തിരുവനന്തപുരം: കഴക്കൂട്ടത്ത് വീടിനു സമീപം നിന്ന യുവാവിനെ മർദ്ദിച്ച സംഭവത്തിൽ പോലീസ് സബ് ഇൻസ്‌പെ‌ക്‌ടർക്ക് എതിരെ നടപടി. ആരോപണ വിധേയനായ കഴക്കൂട്ടം എസ്ഐ വിമലിനെ സസ്‌പെൻഡ്‌ ചെയ്‌തു. സ്‌പെഷ്യൽ ബ്രാഞ്ച് റിപ്പോർട്ടിന്റെ അടിസ്‌ഥാനത്തിൽ സിറ്റി പോലീസ് കമ്മീഷണറുടേതാണ് നടപടി.

കഴക്കൂട്ടം സ്വദേശി ഷിബുകുമാറാണ് വീടിന് സമീപം നിന്ന തന്നെ പോലീസ് അകാരണമായി മർദ്ദിച്ചു എന്നാരോപിച്ച് പരാതി നൽകിയത്. മർദ്ദനത്തിൽ മുതുകിലും തോളിലും പരിക്കേറ്റെന്ന് കാണിച്ച് ഡിജിപിക്കും മനുഷ്യാവകാശ കമ്മീഷനും പരാതി നൽകുകയായിരുന്നു. യുവാവിന്റെ പരാതിയിൽ സ്‌പെഷ്യൽ ബ്രാഞ്ച് അസിസ്‌റ്റന്റ്‌ കമ്മീഷണർ അന്വേഷണം നടത്തും.

കഴിഞ്ഞ ഞായറാഴ്‌ച രാത്രിയാണ് സംഭവം. കഴക്കൂട്ടം മേൽപാലത്തിനു താഴെ സ്‌ഥിരമായി സാമൂഹ്യ വിരുദ്ധ സംഘം തമ്പടിക്കുന്നതായി പരാതി ലഭിച്ചതിന്റെ അടിസ്‌ഥാനത്തിലാണ് പോലീസ് എത്തിയത്. മഫ്‌തിയിലെത്തിയ പോലീസ് സംഘം പാലത്തിന് താഴെ ഉണ്ടായിരുന്നവരെ ആട്ടിപ്പായിച്ചു. ഇതിനിടെയിലാണ് ഷിബുവിന് പരിക്കേറ്റത്. കഴക്കൂട്ടം എസ്ഐയാണ് തന്നെ മര്‍ദ്ദിച്ചതെന്ന് ഷിബു പരാതിയിൽ പറഞ്ഞിരുന്നു.

എന്നാല്‍ മദ്യപാനികള്‍ തമ്മിലുള്ള സംഘര്‍ഷത്തിലാണ് ഷിബുവിന് പരിക്കേറ്റതെന്നും റസിഡൻസ് അസോസിയേഷനില്‍ നിന്നും പരാതികള്‍ ലഭിച്ചതിന്റെ അടിസ്‌ഥാനത്തിലാണ് അവിടെ എത്തിയത് എന്നുമായിരുന്നു പോലീസിന്റെ വിശദീകരണം.

Most Read:  ‘അനുമതിയില്ലാതെ ജനപ്രതിനിധികൾ പ്രതികളായ കേസുകൾ പിൻവലിക്കരുത്’; സുപ്രീം കോടതി

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE