കൽപ്പറ്റ: യൂത്ത് കോൺഗ്രസ് വയനാട് നിയോജകമണ്ഡലം കമ്മിറ്റി മെഡിക്കൽ കോളേജ് സൂപ്രണ്ട് ഓഫിസിലേക്ക് മാർച്ച് നടത്തി. വയനാട് മെഡിക്കൽ കോളേജിന്റെ ശോചനീയാവസ്ഥ പരിഹരിക്കണമെന്ന് ആവശ്യപ്പെട്ടായിരുന്നു മാർച്ച്.
ചികിൽസാ സൗകര്യങ്ങൾ വർധിപ്പിക്കുക, പ്രൊഫസർമാർ ഉൾപ്പടെ ഒഴിവുള്ള തസ്തികകളിൽ നിയമനം നടത്തുക, പിരിച്ചു വിട്ട കോവിഡ് ബ്രിഗേഡ് ജീവനക്കാരുടെ റിസ്ക് അലവൻസ് അനുവദിക്കുക, താൽകാലിക ജീവനക്കാരുടെ വേതനം വിതരണം ചെയ്യുക തുടങ്ങിയ ആവശ്യങ്ങളാണ് യൂത്ത് കോൺഗ്രസ് ഉന്നയിച്ചത്. പ്രവർത്തകരെ ആശുപത്രി പ്രവേശന കവാടത്തിൽ പോലീസ് തടഞ്ഞത് നേരിയ സംഘർഷത്തിന് ഇടയാക്കി.
മുതിർന്ന കോൺഗ്രസ് നേതാവ് സി അബ്ദുൾ അഷ്റഫ് മാർച്ച് ഉൽഘാടനം ചെയ്തു. നിയോജകമണ്ഡലം പ്രസിഡണ്ട് അസീസ് വാളാട് അധ്യക്ഷത വഹിച്ചു. എഎം നിഷാന്ത്, ഏക്കണ്ടി മൊയ്തൂട്ടി, ജേക്കബ് സെബാസ്റ്റ്യൻ, മുസ്തഫ എറമ്പയിൽ, മുജീബ് കൊടിയോടൻ, ലേഖ രാജീവൻ, ഷിബു കെ ജോർജ്, ജോയിസി ഷാജു തുടങ്ങിയവർ സംസാരിച്ചു.
Most Read: ബോംബ് പൊട്ടിത്തെറിച്ച് 12-കാരന് പരിക്കേറ്റ സംഭവം; ബാലാവകാശ കമ്മിഷൻ കേസെടുത്തു