റാഞ്ചി: ജാർഖണ്ഡിൽ ഇന്ന് കോവിഡ് മരണമില്ല. രണ്ടാം തരംഗത്തിൽ ഇതാദ്യമായാണ് സംസ്‌ഥാനത്ത്‌ കോവിഡ് മരണം റിപ്പോർട് ചെയ്യാതിരിക്കുന്നത്. അതേസമയം, കഴിഞ്ഞ 24 മണിക്കൂറിനിടെ 239 പുതിയ കോവിഡ് കേസുകൾ റിപ്പോർട് ചെയ്‌തു. ഇതോടെ ആകെ രോഗികളുടെ എണ്ണം 3,43,304 ആയി. 3966 ആക്‌ടീവ് കേസുകളും നിലവിലുണ്ട്.
അതേസമയം, രാജ്യത്ത് 24 മണിക്കൂറിനിടയിൽ 80,834 പേർക്ക് കോവിഡ് സ്‌ഥിരീകരിച്ചു. 3303 പേർ മരിച്ചു. ആകെ രോഗമുക്‌തി നിരക്ക് 95.26 ശതമാനമായി. പ്രതിദിന കോവിഡ് കേസുകളുടെ എണ്ണം കുറയുമ്പോഴും തുടരുമ്പോഴും മരണനിരക്കിലെ കുറവ് നേരിയ തോതിൽ മാത്രമാണ്.
രാജ്യത്ത് ഇതുവരെ 2,80,43,446 പേർ രോഗമുക്‌തി നേടി. 2,94,39,989 പേർക്ക് രോഗം സ്‌ഥിരീകരിച്ചതായും കേന്ദ്ര ആരോഗ്യ മന്ത്രാലയം അറിയിച്ചു.
Read also: ആലത്തൂരിൽ കയറിയാൽ കാലുവെട്ടുമെന്ന് സിപിഎമ്മിന്റെ ഭീഷണി; തളർത്താനാവില്ലെന്ന് രമ്യാ ഹരിദാസ്
