കോഴിക്കോട്: കരിപ്പൂർ വിമാനത്താവളത്തിലൂടെ നികുതി വെട്ടിച്ച് കടത്താൻ ശ്രമിച്ച 1.15 കോടിയുടെ സ്വർണം പിടികൂടി. എയർ കസ്‌റ്റംസ്‌ ഇന്റലിജൻസാണ് സ്വർണം പിടികൂടി. 2.31 കിലോഗ്രാം സ്വർണം മിശ്രിത രൂപത്തിലാണ് പിടികൂടിയത്.
സംഭവത്തിൽ ദുബായിൽ നിന്നെത്തിയ മലപ്പുറം സ്വദേശി സലാമിനെ ഇന്റലിജൻസ് പിടികൂടി. 1,568 ഗ്രാം സ്വർണം മിശ്രിത രൂപത്തിൽ ഹാൻഡ് ബാഗിൽ ഒളിപ്പിച്ച് കടത്താൻ ശ്രമിക്കവേയാണ് ഇയാൾ ഇന്റലിജൻസ് പിടിയിലായത്. ശുചിമുറിയിൽ ഒളിപ്പിച്ച നിലയിൽ 1,262 ഗ്രാം സ്വർണമിശ്രിതവും പിടിച്ചെടുത്തിട്ടുണ്ട്. ശുചിമുറിയിൽ സ്വർണം ഒളിപ്പിച്ചത് ആരാണെന്ന് കണ്ടെത്തിയിട്ടില്ല.
Read also: സ്വർണവിലയിൽ വീണ്ടും ഇടിവ്; പവന് 240 രൂപ കുറഞ്ഞു
