ന്യൂഡെൽഹി: രാജ്യത്ത് കോവിഡ് വ്യാപനം അതിതീവ്രമായി തുടരുന്ന സാഹചര്യത്തിൽ ലോക്ക്ഡൗൺ നടപടികളിലേക്ക് കടക്കാൻ കേന്ദ്ര സർക്കാർ. ടെസ്‌റ്റ് പോസിറ്റിവിറ്റി നിരക്ക് 15 ശതമാനത്തിന് മുകളിൽ പോയ 150ഓളം ജില്ലകളിൽ ലോക്ക്ഡൗൺ ഏർപ്പെടുത്തണമെന്ന് ആരോഗ്യമന്ത്രാലയം നിർദേശിച്ചു. അവശ്യ സർവീസുകൾക്കടക്കം ഇളവ് ഏർപ്പെടുത്തിയാകും ലോക്ക്ഡൗൺ പ്രഖ്യാപിക്കുക.
ചൊവ്വാഴ്‌ച നടന്ന ഉന്നതതല യോഗത്തിലാണ് നടപടികൾക്ക് ശുപാർശ ചെയ്‌തത്‌. എന്നാൽ സംസ്‌ഥാനങ്ങളുമായി ആലോചിച്ച ശേഷം മാത്രമാകും ഇക്കാര്യത്തിൽ അന്തിമ തീരുമാനം എടുക്കുക. അതേസമയം, ടെസ്‌റ്റ് പോസിറ്റിവിറ്റി നിരക്ക് ഉയർന്ന ജില്ലകളിൽ രോഗവ്യാപനം തടയുന്നതിന് അടിയന്തിര നടപടികളിലേക്ക് കടക്കണമെന്ന് ആരോഗ്യ മന്ത്രാലയം നിർദേശിച്ചു.
Read also: കേന്ദ്രത്തിന്റെ വാക്‌സിൻ നയത്തിനെതിരെ എൽഡിഎഫിന്റെ പ്രതിഷേധ പരിപാടി ഇന്ന്
