ന്യൂഡെൽഹി: രാജ്യത്ത് കഴിഞ്ഞ 24 മണിക്കൂറിൽ 21,257 പേർക്ക് കൂടി കോവിഡ് സ്ഥിരീകരിച്ചു. കൂടാതെ 271 പേർ രാജ്യത്തിന്റെ വിവിധ ഭാഗങ്ങളിലായി കോവിഡിനെ തുടർന്ന് മരിക്കുകയും ചെയ്തു. ഇതോടെ രാജ്യത്ത് ഇതുവരെ കോവിഡിനെ തുടർന്ന് മരിച്ച ആളുകളുടെ എണ്ണം 4,50,160 ആയി ഉയർന്നു.
രാജ്യത്ത് സ്ഥിരീകരിച്ച കോവിഡ് കേസുകളിൽ 12,288 പേർ കേരളത്തിൽ നിന്നാണ്. രാജ്യത്ത് നിലവിൽ കോവിഡ് സ്ഥിരീകരിച്ച ആളുകളുടെ എണ്ണം 3,39,15,569 ആയി ഉയർന്നു. ഇവരിൽ 3,32,25,221 ആളുകൾ ഇതുവരെ രോഗമുക്തരായിട്ടുണ്ട്. കൂടാതെ രാജ്യത്ത് നിലവിൽ കോവിഡ് ബാധിച്ചു ചികിൽസയിൽ കഴിയുന്നവരുടെ എണ്ണം 2,44,198 ആണ്.
രാജ്യത്തെ നിലവിലെ കോവിഡ് മുക്തി നിരക്ക് 97.96 ശതമാനമാണ്. കഴിഞ്ഞ 24 മണിക്കൂറിൽ രാജ്യത്ത് സ്ഥിരീകരിച്ച കോവിഡ് കണക്കുകൾ 205 ദിവസത്തെ ഏറ്റവും കുറഞ്ഞ കണക്കുകളാണ്.
Read also: കെഎസ്ആർടിസി ഡിപ്പോകളിലെ ബെവ്കോ; ചർച്ച തുടരുമെന്ന് ഗതാഗത മന്ത്രി