ചെറുവത്തൂര്‍: കാസർഗോഡ് പിലിക്കോട് പഞ്ചായത്തിലെ ഓലാട്ട് കോളനിയില്‍ 25 സിപിഎമ്മുകാര്‍ ബിജെപിയില്‍ ചേര്‍ന്നു. കോളനിയിലെ കുടിവെള്ള പ്രശ്‌നം, കോളനിയില്‍ നടന്ന കൊലപാതകത്തില്‍ കുറ്റവാളികളെ സംരക്ഷിക്കാന്‍ പാർട്ടി നേതൃത്വം നടത്തിയ നീക്കം, കുറ്റാരോപിതനായ അധ്യാപകനെ സംരക്ഷിക്കുന്ന നടപടി തുടങ്ങിയ കാരണങ്ങൾ ഉന്നയിച്ചാണ് കോളനി അംഗങ്ങൾ ബിജെപിയിലേക്ക് ചേക്കേറിയത്.
വരും ദിവസങ്ങളില്‍ കൂടുതല്‍ പേര്‍ തങ്ങളോടൊപ്പം ചേരുമെന്നാണ് ബിജെപി തൃക്കരിപ്പൂര്‍ മണ്ഡലം കമ്മിറ്റി വ്യക്‌തമാക്കിയത്. കാലിക്കടവ് കരക്കക്കാവ് കല്യാണ മണ്ഡപത്തില്‍ ചേര്‍ന്ന സ്വീകരണ യോഗത്തില്‍ സംസ്‌ഥാന പ്രസിഡണ്ട് കെ സുരേന്ദ്രന്‍ പുതുതായി ചേര്‍ന്നവരെ സ്വീകരിച്ചു. നരേന്ദ്രമോദി സർക്കാരിന്റെ സഹായം കൊണ്ടാണ് കേരളത്തില്‍ പിണറായി വിജയന്‍ ഭരണം നടത്തുന്നതെന്നും മോദിയെ പരസ്യമായി അംഗീകരിക്കാൻ കേരള മുഖ്യമന്ത്രിക്ക് സാധിക്കാത്തത് ദുരഭിമാനം കൊണ്ടാണെന്നും കെ സുരേന്ദ്രൻ പറഞ്ഞു.
Read also: നർക്കോട്ടിക്‌ ജിഹാദ്; നടന്നത് തെറ്റായ പ്രചാരണമെന്ന് എ വിജയരാഘവൻ
