കാസർഗോഡ്: ജില്ലയിലെ മഞ്ചേശ്വരത്ത് ഉപജില്ലാ ശാസ്ത്രമേളയുടെ പന്തൽ തകർന്ന് വീണ് 30ഓളം വിദ്യാർഥികൾക്ക് പരിക്ക്. ഇന്നലെയും ഇന്നുമായാണ് ശാസ്ത്രമേള നടന്നിരുന്നത്. ബേക്കൂർ സർക്കാർ ഹയർസെക്കൻഡറി സ്കൂളിലാണ് അപകടമുണ്ടായത്.
പരിക്കേറ്റ വിദ്യാർഥികളെ മംഗൽപാടി താലൂക്ക് ആശുപത്രിയിൽ പ്രവേശിപ്പിച്ചു. ആരുടേയും നില ഗുരുതരമല്ലെന്നാണ് റിപ്പോർട്. എന്നാൽ, രണ്ടുപേരെ അടിയന്തിര ചികിൽസക്ക് വേണ്ടി മംഗളൂരുവിലേക്ക് ആശുപത്രിയിലേക്ക് മാറ്റി.
പന്തലിന്റെ മുകള് ഭാഗം ഇരുമ്പ് ഷീറ്റുകള് കൊണ്ടാണ് നിര്മിച്ചിരുന്നത്. കുട്ടികള്ക്ക് തലക്കും മുഖത്തും മുറിവ് പറ്റിയിട്ടുണ്ട്. സംഭവത്തിൽ ഉടനെ അന്വേഷണം നടത്തി റിപ്പോർട് നൽകാൻ വകുപ്പ് മന്ത്രിയും ജില്ലാ കലക്ടറും ആവശ്യപ്പെട്ടിട്ടുണ്ട്.
Most Read: പൊലീസുകാരന്റെ മാമ്പഴ മോഷണം; കേസ് ഒത്തുതീർന്നു