റിയാദ്: ഇന്ത്യയിൽ നിന്നും മലയാളികൾ ഉൾപ്പടെ 33,301 ഹജ്ജ് തീർഥാടകർ ഇതുവരെ സൗദിയിൽ എത്തിയതായി ഇന്ത്യൻ ഹജ്ജ് മിഷൻ വ്യക്തമാക്കി. ഇവരിൽ 21,087 പേർ മദീനയിലും 12,214 തീർഥാടകർ മക്കയിലുമാണുള്ളത്. മദീനയിലുള്ളവർ 8 ദിവസം അവിടെ തങ്ങിയ ശേഷം മക്കയിലെത്തും. മദീനയിലേക്കുള്ള അവസാന സംഘം നാളെയും ജിദ്ദയിലേക്കുള്ള അവസാന സംഘം ജൂലൈ 4നും എത്തും.
ഇന്നലെ മാത്രം 9 വിമാനങ്ങളിലായി 2,077 തീർഥാടകർ ഹജ്ജ് നിർവഹിക്കുന്നതിനായി സൗദിയിലെത്തി. ഇത്തവണ 79,237 ഇന്ത്യക്കാർക്കാണ് ഹജ്ജ് നിർവഹിക്കാൻ അനുമതി നൽകിയിരിക്കുന്നത്. ഇതിൽ ഹജ്ജ് കമ്മിറ്റി വഴി 56,637 പേരും സ്വകാര്യ ഹജ്ജ് ഗ്രൂപ്പ് വഴി 22,600 പേരും ഹജ്ജ് നിർവഹിക്കും.
Read also: അവയവമാറ്റം വൈകിയ സംഭവം; അന്വേഷണത്തിന് ഉത്തരവിട്ട് ആരോഗ്യമന്ത്രി