റെവാരി: ഹരിയാനയിൽ ഓക്സിജൻ അഭാവത്തെ തുടർന്ന് നാലു കോവിഡ് രോഗികൾക്ക് ദാരുണാന്ത്യം. റെവാരിയിലെ സ്വകാര്യ ആശുപത്രിയിലാണ് സംഭവം. ഐസിയുവിൽ ചികിൽസയിൽ കഴിഞ്ഞിരുന്ന മൂന്ന് പേരും വാർഡിൽ ഉണ്ടായിരുന്ന ഒരാളുമാണ് മരിച്ചത്. മരിച്ചവരുടെ ബന്ധുക്കൾ രോഷാകുലരായി ആശുപത്രിക്കു മുന്നിൽ പ്രതിഷേധിച്ചു.
എന്നാൽ ആശുപത്രിയിൽ ഓക്സിജന് കടുത്ത ക്ഷാമമുണ്ടെന്നും ഇക്കാര്യം നിരന്തരം ജില്ലാ ഭരണകൂടത്തെ അറിയിച്ചിരുന്നു എന്നും ആശുപത്രി വൃത്തങ്ങൾ പറഞ്ഞു. നിലവിൽ 114 കോവിഡ് രോഗികളാണ് ആശുപത്രിയിലുള്ളത്. ഇവർക്കായി ഒരു ദിവസം 300 ഓക്സിജൻ സിലിണ്ടറുകളോളം ആവശ്യമുണ്ടെന്നും അധികൃതർ വ്യക്തമാക്കി. സംഭവത്തെക്കുറിച്ച് അന്വേഷിക്കാൻ ജില്ലാ ഭരണകൂടം ഉത്തരവിട്ടു.
Read also: 18 വയസിന് മുകളിലുള്ള എല്ലാവർക്കും സൗജന്യ വാക്സിൻ; രാജസ്ഥാൻ മുഖ്യമന്ത്രി