കുവൈറ്റ്: കോവിഡ് വ്യാപനം രൂക്ഷമായതോടെ കുവൈറ്റിൽ നിന്നും നാട്ടിലേക്ക് മടങ്ങിയത് 97,802 ഇന്ത്യക്കാർ. ഇന്ത്യൻ സ്ഥാനപതി സിബി ജോർജാണ് ഇക്കാര്യം വ്യക്തമാക്കിയത്. എന്നാൽ കോവിഡ് നിയന്ത്രണങ്ങളെ തുടർന്ന് വിമാന സർവീസുകൾ പുനരാരംഭിച്ചതോടെ ഇവരിൽ ചിലർ തിരിച്ചെത്തി ജോലിയിൽ പ്രവേശിച്ചതായും അദ്ദേഹം സൂചിപ്പിച്ചു.
കൂടാതെ എംബസിയുടെ അടിയന്തര സേവനങ്ങൾ ആഴ്ചയിൽ 7 ദിവസവും 24 മണിക്കൂറും ലഭ്യമാണെന്നും അദ്ദേഹം പറഞ്ഞു. അതേസമയം കോവിഡ് കാലത്ത് 7 ലക്ഷത്തിലേറെ ഇന്ത്യക്കാരാണ് ഗൾഫ് രാജ്യങ്ങളിൽ നിന്നും നാട്ടിലേക്ക് മടങ്ങിയതെന്ന് ഇന്ത്യൻ വിദേശകാര്യ മന്ത്രാലയം വ്യക്തമാക്കുന്നുണ്ട്. ഇതിൽ ഏറ്റവും കൂടുതൽ പേർ നാട്ടിലേക്ക് മടങ്ങിയത് യുഎഇയിൽ നിന്നാണ്.
Read also: മീഡിയ വൺ ചാനലിന്റെ സംപ്രേഷണം തടഞ്ഞ സംഭവം; ഉത്തരവ് ചോദ്യം ചെയ്തുള്ള ഹരജിയിൽ വിധി നാളെ