ഹൈദരാബാദ്: ഗുലാബ് ചുഴലിക്കാറ്റിനെ തുടർന്നുള്ള കനത്ത മഴ തുടരുന്നു. ആന്ധ്ര, ഹൈദരാബാദ് സർവകലാശാലകൾ ബുധനാഴ്ച വരെയുള്ള എല്ലാ പരീക്ഷകളും മാറ്റിവെച്ചു. തെലങ്കാനയിൽ ഇന്ന് അവധിയും പ്രഖ്യാപിച്ചിട്ടുണ്ട്.
വിശാഖപട്ടണം വിമാനത്താവളത്തിൽ വെള്ളക്കെട്ടും ഉണ്ടായി. ഇതേ തുടർന്ന് വിശാഖപട്ടണത്ത് നിന്നുള്ള വിമാനങ്ങൾ വൈകുമെന്ന് അറിയിപ്പുണ്ട്. 95 കിലോമീറ്റര് വേഗത്തില് കരതൊട്ട ഗുലാബിന്റെ തീവ്രത കുറഞ്ഞ് തുടങ്ങിയിട്ടുണ്ട്. തെക്കന് ഒഡീഷയിലും ആന്ധ്രയുടെ വടക്കന് ജില്ലകളിലുമാണ് വലിയ നാശനഷ്ടം ഉണ്ടായത്.
മരങ്ങള് വീണും മണ്ണിടിഞ്ഞും അനേക സ്ഥലങ്ങളിൽ ഗതാഗത തടസമുണ്ടായി. ആന്ധ്രയുടെ വടക്കന് ജില്ലകളില് കനത്ത മഴ തുടരുകയാണ്. താഴ്ന്ന പ്രദേശങ്ങളില് വെള്ളക്കെട്ടുണ്ട്. മുംബൈയിലും പൂണെയിലും കൊങ്കന് മേഖലയിലും മഴ തുടരുകയാണ്. ഈസ്റ്റ് കോസ്റ്റ് റെയില്വേ 34 ട്രെയിനുകള് റദ്ദാക്കി. 17 എണ്ണം വഴിതിരിച്ചു വിട്ടു.
നാവിക സേനയുടെയും ദേശീയ ദുരന്ത നിവാരണ സേനയുടെ നേതൃത്വത്തിലാണ് രക്ഷാപ്രവര്ത്തനം. രണ്ട് സംസ്ഥാനങ്ങളില് നിന്നും 50000 പേരെ മാറ്റി പാര്പ്പിച്ചു. ബുധനാഴ്ച വരെ ബംഗാള് ഉള്ക്കടലില് മൽസ്യ ബന്ധനത്തിന് പോകരുതെന്ന് മുന്നറിയിപ്പുണ്ട്. കേരളത്തിലും മൂന്ന് ദിവസം കൂടി പരക്കെ മഴ പെയ്യും.
Read Also: ചൈനയില് മണ്ണിടിച്ചില്; ഏഴു മരണം, രക്ഷാപ്രവര്ത്തനം തുടരുന്നു