മൂംബൈ: നാവികസേന ആസ്ഥാനത്ത്, ഐഎന്എസ് രണ്വീർ പടക്കപ്പലിൽ നടന്ന സ്ഫോടനത്തിൽ 3 സേനാംഗങ്ങളുടെ വീരമൃത്യു സ്ഥിരീകരിച്ചു. 11 പേര്ക്ക് പരുക്കേറ്റതായി ദേശീയമാധ്യമങ്ങള് റിപ്പോർട് ചെയ്യുന്നുണ്ടെകിലും നാവികസേന ഔദ്യോഗിക സ്ഥിരീകരണം നൽകിയിട്ടില്ല.
നിലവില് സ്ഥിതി നിയന്ത്രണ വിധേയമാണെന്നും മറ്റുകാര്യങ്ങളിൽ അന്വേഷണം ആരംഭിച്ചതായും നാവിക സേന അറിയിച്ചു. സ്ഫോടനം സ്ഥിരീകരിച്ച് പ്രതിരോധ മന്ത്രാലയം പുറത്തിറക്കിയ വാർത്താകുറിപ്പിൽ സംഭവത്തിൽ അന്വേഷണം പ്രഖ്യാപിച്ചതായി പറയുന്നുണ്ട്.
കപ്പലിലെ ജീവനക്കാർ അവസരത്തിനൊത്ത് ഉയർന്നെന്നും ഉടൻതന്നെ സ്ഥിതിഗതികൾ നിയന്ത്രണ വിധേയമാക്കിയെന്നും അധികൃതർ പറയുന്നു.
കിഴക്കൻ നേവൽ കമാൻഡിന്റെ കീഴിലുള്ള കപ്പലാണ് ഐഎൻഎസ് രൺവീർ. 2021 നവംബർ മുതൽ ക്രോസ് കോസ്റ്റ് ഓപ്പറേഷനിലായിരുന്നു. മുംബൈ തീരത്ത് നിന്ന് ഏറെദൂരം പുറംകടലിലുള്ള ഐഎന്എസ് ഇപ്പോൾ തീരത്തേക്ക് എത്തിച്ചു കൊണ്ടിരിക്കുകയാണ്.
Most Read: വാക്കിലെ പ്രകൃതി സ്നേഹം പ്രവർത്തിയിലും; എവറസ്റ്റിന്റെ കൂട്ടുകാരി മാരിയോണ്