മലപ്പുറം: കുറ്റിപ്പുറം സംസ്ഥാന പാതയിൽ സ്വകാര്യ ബസും ലോറിയും കൂട്ടിയിടിച്ചു അപകടം. ഇന്ന് രാവിലെ ഏഴ് മണിയോടെ കിൻഫ്ര പാർക്കിന് സമീപം പള്ളിപ്പടിയിലാണ് അപകടം. അപകടത്തിൽ 20 പേർക്ക് പരിക്കേറ്റു. കോഴിക്കോട് ഭാഗത്ത് നിന്നും തൃശൂരിലേക്ക് പോകുന്ന സ്വകാര്യ ബസും എതിർ ദിശയിൽ നിന്നുവന്ന ടിപ്പർ ലോറിയുമാണ് കൂട്ടിയിടിച്ചത്. രണ്ടു വാഹനങ്ങൾക്കും കേടുപാടുകൾ ഉണ്ട്. ടിപ്പർ പൂർണമായും തകർന്ന നിലയിലാണ്.
പോലീസും നാട്ടുകാരും ചേർന്നായിരുന്നു രക്ഷാപ്രവർത്തനത്തിന് നേതൃത്വം നൽകിയത്. പരിക്കേറ്റവരെയെല്ലാം കുറ്റിപ്പുറം താലൂക്ക് ആശുപത്രിയിലും കോട്ടക്കലിലെ സ്വകാര്യ ആശുപത്രിയിലും പ്രവേശിപ്പിച്ചിട്ടിട്ടുണ്ട്. ആർക്കും ഗുരുതരമായി പരിക്കുകൾ ഇല്ലെന്നാണ് ആശുപത്രി അധികൃതർ നൽകുന്ന വിശദീകരണം. ദേശീയപാത നിർമാണ പ്രവൃത്തി നടക്കുന്നതിനാൽ വീതികുറഞ്ഞ റോഡിലൂടെയാണ് വാഹനങ്ങൾ പോകുന്നത്. ഇതിനാൽ തന്നെ പലപ്പോഴും റോഡിൽ അപകടഭീഷണി കൂടുതലാണ്.
Most Read| ക്രമസമാധാന പ്രശ്നങ്ങൾ ഉണ്ടായിട്ടില്ല; എൻഎസ്എസ് നാമജപക്കേസ് എഴുതി തള്ളി
