ന്യൂഡെല്ഹി: ഉല്സവ സീസണ് പ്രമാണിച്ച് കേന്ദ്ര സര്ക്കാര് ജീവനക്കാര്ക്ക് ബോണസ് പ്രഖ്യാപിച്ചു. ഇന്ന് ചേര്ന്ന മന്ത്രിസഭാ യോഗമാണ് ഇതുസംബന്ധിച്ച തീരുമാനമെടുത്തത്.
30 ലക്ഷത്തോളം വരുന്ന കേന്ദ്ര സര്ക്കാര് ജീവനക്കാര്ക്ക് ബോണസിന്റെ ആനുകൂല്യം ലഭിക്കും. 3,737 കോടി രൂപയാണ് കേന്ദ്രം ഇതിനായി ചിലവഴിക്കുന്നത്. ഒറ്റ തവണയായാണ് ബോണസ് നല്കുക. വിജയദശമി ദിനത്തിന് മുന്പ് ബോണസ് കൈമാറുമെന്ന് കേന്ദ്രമന്ത്രി പ്രകാശ് ജാവദേക്കര് പറഞ്ഞു. റെയില്വെ, പോസ്റ്റ് ഓഫീസ്, ഇപിഎഫ്ഒ, ഇഎസ്ഐസി തുടങ്ങിയവയിലെ ജീവനക്കാര്ക്കും ബോണസിന് അര്ഹതയുണ്ട്.