കോഴിക്കോട്: കക്കോടി സ്വദേശിയായ കപ്പൽ ജീവനക്കാരനെ മെക്സിക്കൻ കടലിൽ കാണാതായതായി പരാതി. കോഴിക്കോട് കക്കോടി മോരിക്കര മേലേടത്ത് പറമ്പിൽ വിൻഷാർ (38) എന്നയാളെയാണ് കാണാതായത്.
അമേരിക്കൻ കമ്പനിയായ നോർവീജിയൻ ക്രൂയിസ്ലൈൻ ഉടമസ്ഥതയിലുള്ള ആഢംബര യാത്രാകപ്പലായ എൻസിഎൽ വിവയിലെ ജീവനക്കാരനാണ്. മെക്സിക്കൻ തുറമുഖത്ത് നിന്ന് കപ്പൽ യുഎസിലേക്ക് തിരിക്കുന്നതിനിടെ വിൻഷാറിനെ കാണാതായി എന്നാണ് കുടുംബത്തിന് ലഭിച്ച വിവരം. വെള്ളിയാഴ്ച രാത്രി ഒമ്പതിനാണ് വിൻഷാറിന്റെ വീട്ടിലേക്ക് കപ്പൽ കമ്പനിയിലെ ഉദ്യോഗസ്ഥർ വിവരം അറിയിച്ചത്.
ഒമ്പതാം തീയതി പുലർച്ചെയാണ് വിൻഷാറിനെ കാണാതായത്. മെക്സിക്കൻ തീരസേന കടലിൽ തിരച്ചിൽ നടത്തുകയാണെന്നാണ് വിവരം. 15 വർഷത്തോളമായി വിദേശത്ത് ജോലി ചെയ്യുന്ന വിൻഷാർ ഇതേ കപ്പൽ കമ്പനിയിലാണ് പ്രവർത്തിച്ചു വരുന്നത്. നാലുമാസം മുമ്പാണ് എൻസിഎൽ വിവ കപ്പലിലേക്ക് മാറിയത്. ഭാര്യയും രണ്ടു കുട്ടികളുമുണ്ട്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
