ഏഷ്യൻ ഗെയിംസ്; ഇന്ത്യക്ക് വെള്ളിത്തുടക്കം, ഷൂട്ടിങ്ങിൽ ഇരട്ട മെഡൽ
ഇന്ന് നടന്ന ഷൂട്ടിങ്ങിൽ പുരുഷൻമാരുടെ 10 മീറ്റർ എയർ റൈഫിൾ ടീം ഇനത്തിലാണ് ഇന്ത്യ മെഡൽ സ്വന്തമാക്കിയത്. 10 മീറ്റർ എയർ റൈഫിൾ വ്യക്തിഗത ഇനത്തിൽ വെള്ളിയും വെങ്കലവും ഇന്ത്യക്കാണ്.
നഗോയ: 20ആമത് ഏഷ്യൻ ഗെയിംസിന്റെ രണ്ടാം ദിനവും മെഡൽവേട്ട തുടങ്ങി ഇന്ത്യ. ഇന്ന് നടന്ന ഷൂട്ടിങ്ങിൽ പുരുഷൻമാരുടെ 10 മീറ്റർ എയർ റൈഫിൾ ടീം ഇനത്തിലാണ് ഇന്ത്യ മെഡൽ സ്വന്തമാക്കിയത്. ഹിമാൻഷു ധില്ലൻ, പാർത്ത് മാനെ, രുദ്രാൻക്ഷ് പാട്ടീൽ എന്നിവരടങ്ങിയ ടീമാണ് വെള്ളി മെഡൽ സ്വന്തമാക്കിയത്.
പുരുഷൻമാരുടെ 10 മീറ്റർ എയർ റൈഫിൾ വ്യക്തിഗത ഇനത്തിൽ വെള്ളിയും വെങ്കലവും ഇന്ത്യക്കാണ്. ഹിമാൻഷു ധില്ലൻ വെള്ളിയും രുദ്രാൻക്ഷ് വെള്ളിയും നേടി. മിക്സഡ് മാർഷ്യൽ ആർട്സിൽ സെമി ഫൈനലിൽ തോറ്റ സുചിത തരിയൽ വെള്ളി മെഡലും നേടി.
ഷൂട്ടിങ്ങിൽ ഇന്ത്യയുടെ നാലാം വെള്ളിയാണിത്. ആദ്യ ദിവസം വനിതകളുടെ 10 മീറ്റർ എയർ പിസ്റ്റൽ ടീം ഇനത്തിലും വനിതാ വിഭാഗം 10 മീറ്റർ എയർ റൈഫിൾ വ്യക്തിഗത ഇനത്തിലും ഇന്ത്യൻ താരം എളവേനിൽ വാളറിവനും വെള്ളി മെഡൽ നേടിയിരുന്നു.
ജപ്പാനിലെ അയ്ച്ചി- നഗോയയിലെ പാലോമ മിസുവോ അത്ലറ്റിക് സ്റ്റേഡിയത്തിലാണ് മൽസരങ്ങൾ നടക്കുന്നത്. അത്ലറ്റിക്സ് മൽസരങ്ങൾ 23നാണ് തുടങ്ങുക. 200 സ്വർണം ഉൾപ്പടെ 382 മെഡലുകൾ നേടി ചൈനയാണ് കഴിഞ്ഞതവണ ചാംപ്യൻമാരായത്. 28 സ്വർണം ഉൾപ്പടെ 106 മെഡലുകൾ നേടി ഇന്ത്യ നാലാമതായി.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
