പാലക്കാട്: കൊഴിഞ്ഞാമ്പാറയിൽ സഹോദരങ്ങളായ കുട്ടികളെ അമ്മ കുളുമുറിയിലെ വെള്ളത്തൊട്ടിയിൽ മുക്കിക്കൊന്ന കേസിൽ ഒരാൾ കൂടി പിടിയിൽ. അറസ്‌റ്റിലായ അമ്മ നിവേദ്യയുടെ ആൺസുഹൃത്ത് പാലക്കാട് ചിറ്റൂർ മേനോൻപാറ പാറക്കുഴി പട്ടമരത്താർ വീട്ടിൽ എ. മാർട്ടിൻ ഇഗ്‌നേസിയസ് (36) ആണ് അറസ്‌റ്റിലായത്‌.
നിവേദ്യ കുട്ടികളെ കൊലപ്പെടുത്തുന്ന സമയത്ത് മറ്റാരെങ്കിലും അവിടേക്ക് വരുന്നുണ്ടോ എന്ന് നോക്കാൻ മാർട്ടിൻ പുറത്ത് കാവൽ നിന്നെന്നാണ് പോലീസ് പറയുന്നത്. അറസ്‌റ്റിലായ അമ്മ നിവേദ്യയുമായി നടത്തിയ തെളിവെടുപ്പിന് പിന്നാലെയാണ് കൊലപാതകത്തിൽ ഒരാൾക്ക് കൂടി പങ്കുണ്ടെന്ന് പോലീസിന് സംശയം തോന്നിയതും പിന്നാലെ മാർട്ടിനെ അറസ്‌റ്റ് ചെയ്‌തതും.
സെപ്‌തംബർ 29ന് രാവിലെ പത്തരയോടെയാണ് കുട്ടികളെ വാടകവീട്ടിൽ കുളുമുറിയിലെ വെള്ളത്തൊട്ടിയിൽ മരിച്ച നിലയിൽ കണ്ടെത്തിയത്. വടകരപ്പതി മണൽകാട് ജോൺ കുമാർ- നിവേദ്യ ദമ്പതികളുടെ മക്കളായ ജെന്നിഫർ ജൂലിയറ്റ് (5), റോബിൻ ക്രിസ്‌റ്റഫർ (3) എന്നിവരാണ് മരിച്ചത്.
കുളിക്കുന്നതിനിടെ കുട്ടികൾ അബദ്ധത്തിൽ വെള്ളത്തൊട്ടിയിൽ വീണെന്നായിരുന്നു ആദ്യം പുറത്തുവന്ന വിവരം. കുട്ടികൾ വീണ് കിടക്കുന്നത് കണ്ട ഉടൻ നാട്ടുകാർ അത്താണിയിലെ ആശുപത്രിയിൽ എത്തിച്ചെങ്കിലും ഇരുവരും മരിച്ചിരുന്നു.
പോസ്‌റ്റുമോർട്ടം റിപ്പോർട്ടിന്റെ അടിസ്‌ഥാനത്തിൽ മുങ്ങിമരണമാണെന്ന നിഗമനത്തിലെത്തി സംഭവത്തിൽ പിന്നീട് നടത്തിയ അന്വേഷണത്തിലാണ് കൊലപാതകമാണെന്ന് വ്യക്‌തമായത്. ചൊവ്വാഴ്‌ച കസ്‌റ്റഡി അപേക്ഷ നൽകിയതിന് പിന്നാലെ ബുധനാഴ്‌ച രാവിലെയാണ് നിവേദ്യയെ രണ്ടുദിവസത്തേക്ക് പോലീസ് കസ്‌റ്റഡിയിൽ വിട്ടത്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
